വരാനിരിക്കുന്ന സാമ്പത്തിക പ്രതിസന്ധി മുന്നില് കണ്ട് ഏത് വിധേനയും വരുമാന സ്രോതസ്സുകള് കണ്ടെത്താനും നിലവിലുള്ള വരുമാന മാര്ഗങ്ങള് പരമാവധി പ്രയോജനപ്പെടുത്താനും തുനിഞ്ഞിറങ്ങിയിരിക്കാണ് യുട്യൂബ്.
വരുമാനത്തിന് തടസം നില്ക്കുന്ന ഉപഭോക്താക്കള്ക്കെതിരെ നിയത്രണ നടപടികള്ക്കൊരുങ്ങുകയാണ്. യൂട്യൂബ് വെബ്സൈറ്റില് പരസ്യങ്ങള് ബ്ലോക്ക് ചെയ്യുന്ന ആഡ് ബ്ലോക്കറുകള് ഉപയോഗിക്കുന്ന ഉപഭോക്താക്കള്ക്കെതിരെയാണ് കുരുക്ക്.
കമ്പനി അടുത്തിടെ അവതരിപ്പിച്ച പോളിസിയില് ആഡ് ബ്ലോക്കറുകളുടെ ഉപയോഗത്തിനെതിരെയുള്ള വ്യവസ്ഥകളും ഉള്പ്പെടുത്തിയിട്ടുണ്ട്. ഇതനുസരിച്ച് ആഡ് ബ്ലോക്കര് ഉപയോഗിക്കുന്നവര്ക്ക് ആഡ്ബ്ലോക്കര് നിര്ത്തിവെക്കണമെന്നാവശ്യപ്പെട്ടുള്ള അറിയിപ്പ് നല്കും. ഇത്തരത്തില് വിവിധ മുന്നറിയിപ്പുകള് നല്കിയിട്ടും ആഡ് ബ്ലോക്കറുകള് നിര്ത്താന് ഉപഭോക്താവ് തയ്യാറായില്ലെങ്കില് യൂട്യൂബ് നിയന്ത്രണങ്ങള് ആരംഭിക്കും.
അതായത് ഉപഭോക്താവിന് മൂന്ന് വീഡിയോകള് മാത്രമേ പരമാവധി കാണാനാവൂ. അതിന് ശേഷം വീഡിയോകള് കാണുന്നത് യൂട്യൂബ് തടയും.
ഉപഭോക്താവ് ആഡ് ബ്ലോക്കര് ഒഴിവാക്കിയാല് ഉടനെ യൂട്യൂബ് വീഡിയോകള് വീണ്ടും ആസ്വദിക്കാനാവും. പരസ്യം കാണുന്നത് പ്രയാസമുള്ളവരാണെങ്കില് യൂട്യൂബിന്റെ പ്രീമിയം സബ്സ്ക്രിപ്ഷന് എടുക്കുക. അല്ലാത്തപക്ഷം പരസ്യങ്ങള് കാണാന് ഉപഭോക്താക്കള് ബാധ്യസ്ഥരാണ് എന്നതാണ്.
