അംഗീകാരമില്ലാത്ത സ്കൂളുകളില് നിന്ന് സർക്കാർ അംഗീകൃത വിദ്യാലയങ്ങളിലെക്ക് കുട്ടികളെ മാറ്റി ചേർത്താൻ ഇനിമുതല് ടി.സി നിര്ബന്ധമല്ലെന്ന് വിദ്യാഭ്യാസവകുപ്പ് ഉത്തരവ്.
ടി.സി ലഭ്യമല്ലെങ്കിലും തടസ്സമില്ല. ഒന്ന് മുതല് ഒന്പത് വരെ ക്ലാസുകളില് പഠിച്ചിരുന്ന കുട്ടികള്ക്ക് വിദ്യാഭ്യാസ അവകാശ നിയമപ്രകാരം അംഗീകാരമുള്ള സ്കൂളിലേക്ക് മാറ്റി പ്രവേശനം നൽകാം.
വയസ്സ് അടിസ്ഥാനത്തിലും ചെറിയ പ്രവേശനപരീക്ഷാ അടിസ്ഥാനത്തിലുമായിരിക്കും ഇങ്ങനെ എത്തുന്നവർക്ക് പ്രവേശനം നല്കുക. ഈ അധ്യയന വര്ഷം മുതല് തന്നെ ഉത്തരവ് നടപ്പാക്കാനാണ് വിദ്യാഭ്യാസവകുപ്പ് മന്ത്രി വി.ശിവന്കുട്ടി നിര്ദേശം നല്കിയിരുന്നത്.
സംസ്ഥാനത്ത് അംഗീകാരമില്ലാതെ പ്രവര്ത്തിക്കുന്ന അണ് എയ്ഡഡ് വിദ്യാലയങ്ങള്ക്കെതിരേ പതിവ് പോലെ കര്ശന നടപടി മുന്നറിയിപ്പും നൽകി
