മദ്യപിച്ച് ബഹളം കൂട്ടിയ അച്ഛനെ പേടിച്ച് വീടിനു ചേർന്ന തോട്ടത്തിൽ ഒളിച്ച നാലുവയസ്സുകാരി പാമ്പുകടിയേറ്റു മരിച്ചു. തിരുവനന്തപരും തിരുവട്ടാറിനു സമീപം കുട്ടയ്ക്കാട് പലവിള സ്വദേശി സുരേന്ദ്രന്റെ മകൾ സുഷ്വിക മോൾ ആണ് മരിച്ചത്.
തിങ്കളാഴ്ച രാത്രിയാണ് അച്ഛൻ മദ്യലഹരിൽ വീട്ടിലെത്തി ബഹളം വെച്ചത്. സുഷ്വിക പേടിച്ച് മൂത്ത സഹോദരങ്ങൾക്കൊപ്പം വീടിനു പുറത്ത് തോട്ടത്തിലേക്ക് ഓടി ഒളിക്കുകയായിരുന്നു. മഴ പെയ്തതിനാൽ പറമ്പ് കാടു പിടിച്ച നിലയിലായിരുന്നു. ഒളിച്ച് ഇരിക്കുന്നതിനിടയിലാണ് പാമ്പു കടിച്ചത്.
സുഷ്വികയ്ക്ക് ഒമ്പതു വയസ്സുകാരി ചേച്ചിയും 12 വയസ്സുകാരൻ ചേട്ടനുമാണുള്ളത്. ഇവരോടൊപ്പമാണ് ഒളിച്ചിരുന്നത്. സുരേന്ദ്രൻ മദ്യപിച്ചെത്തി വീട്ടിൽ ബഹളംവയ്ക്കുന്നത് പതിവാണെന്ന് പോലീസ് പറഞ്ഞു.
