കേരളത്തില് അടുത്ത അഞ്ച് ദിവസം വ്യാപകമായി ഇടി, മിന്നല്, കാറ്റ് എന്നിവയോടു കൂടിയ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ മുന്നറിയിപ്പ് . ജൂണ് 6, 7 തീയതികളില് കേരളതീരങ്ങളില് ശക്തമായ കാറ്റിനും കടല് പ്രക്ഷുബ്ദ്ധമാകാനും സാധ്യതയുണ്ടെന്നും കാലാവസ്ഥ വകുപ്പ് വ്യക്തമാക്കി.
തെക്ക് കിഴക്കന് അറബിക്കടലിലെ തീവ്ര ന്യൂന മര്ദ്ദം വടക്ക് ദിശയില് സഞ്ചരിച്ച് മധ്യ കിഴക്കന് അറബിക്കടലില് ചുഴലിക്കാറ്റായി മാറാന് സാധ്യതയെന്നാണ് കാലാവസ്ഥാ വകുപ്പിന്റെ പ്രവചനം. ജൂണ് 6 മുതല് 10 വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് വ്യക്തമാക്കി. ദക്ഷിണ കേരളത്തിൽ ആയിരിക്കും മഴയ്ക്ക് ശക്തിയേറുക.
