ആം ആദ്മി പാര്ട്ടിക്ക് തിരഞ്ഞെടുപ്പ് കമ്മിഷൻ്റെ ദേശീയ പാര്ട്ടി പദവി അനുവദിച്ചു കിട്ടി . സി.പി.ഐ. എന്.സി.പി., തൃണമൂല് കോണ്ഗ്രസ് എന്നിവയ്ക്ക് ദേശീയ പാര്ട്ടി പദവി നഷ്ടമായി. ഇനി അവ പ്രാദേശിക പാര്ട്ടികൾ മാത്രമായിരിക്കും. പൊതു ചിഹ്നം ഉണ്ടാവില്ല.
ഡല്ഹി, ഗോവ, പഞ്ചാബ്, ഗുജറാത്ത് എന്നിവിടങ്ങളിലെ തിരഞ്ഞെടുപ്പ് പ്രകടനത്തിന്റെ അടിസ്ഥാനത്തിലാണ് എ.എ.പി. ദേശീയപാര്ട്ടി പദവിയ്ക്ക് അര്ഹത നേടിയത്.
ഒരു രാഷ്ട്രീയ പാര്ട്ടി ദേശീയ പാര്ട്ടിയായി അംഗീകരിക്കപ്പെടണമെങ്കില് നാലോ അതില് അധികമോ സംസ്ഥാനങ്ങളില് സംസ്ഥാന പാര്ട്ടിയായി അംഗീകരിക്കപ്പെടണം. അല്ലെങ്കില് ലോക്സഭയില് രണ്ട് ശതമാനം സീറ്റുകള് നേടുകയോ ചെയ്യണം.
ഒരു പാര്ട്ടിക്ക് ദേശീയ പാര്ട്ടി പദവി നഷ്ടപ്പെട്ടാല് അംഗീകാരം ലഭിക്കാത്ത സംസ്ഥാനങ്ങളില് തിരഞ്ഞെടുപ്പില് സ്ഥാനാര്ഥികള്ക്ക് എല്ലാവർക്കും പൊതുവായ ചിഹ്നം ലഭിക്കില്ല.
ആറ് ദേശീയ പാര്ട്ടികളാണ് രാജ്യത്തുള്ളത്. ബി.ജെ.പി., കോണ്ഗ്രസ്, സി.പി.എം., ബി.എസ്.പി., നാഷണല് പീപ്പിള്സ് പാര്ട്ടി എന്നിവ. ഇവയോടൊപ്പം എ.എ.പിയും അംഗീകാരം നേടി എത്തി.
