പിരിവിലും കോൺഗ്രസ് പിന്നിൽ ഏറ്റവും അധികം വാങ്ങിയത് ബി ജെ പി

ഏറ്റവും കൂടുതല്‍ തുക സംഭാവന ലഭിച്ച രാഷ്ട്രീയ പാര്‍ട്ടി ബി.ജെ.പിയെന്ന് കണക്കുകള്‍. 351.50 കോടി രൂപയാണ് 2020-2021 വർഷത്തിൽ ബി.ജെ.പിക്ക് സംഭാവനയായി ലഭിച്ചത്. എല്ലാ രാഷ്ട്രീയ പാര്‍ട്ടികള്‍ക്കും കൂടി ലഭിച്ച തുകയുടെ 72.17 ശതമാനമാണിത്. അസോസിയേഷന്‍ ഓഫ് ഡെമോക്രാറ്റിക് റിഫോംസാണ് കണക്കുകള്‍ പുറത്തുവിട്ടത്.

തെലങ്കാന മുഖ്യമന്ത്രി കെ. ചന്ദ്രശേഖര്‍ റാവുവിന്റെ ഭാരതീയ രാഷ്ട്ര സമിതിക്കാണ് (മുന്‍പ് തെലങ്കാന രാഷ്ട്ര സമിതി) രണ്ടാമത്തെ ഏറ്റവും കൂടിയ തുക സംഭാവനയായി ലഭിച്ചിരിക്കുന്നത്. 40 കോടി രൂപയാണ് ബി.ആര്‍.എസിന് സംഭാവനയായി ലഭിച്ചിരിക്കുന്നത്. ആകെ സംഭാവനയുടെ 8.21 ശതമാനമാണിത്. Telangana Rashtra Samiti (TRS), Samajwadi Party (SP) and the Aam Aadmi Party (AAP) എന്നിവയാണ് കോൺഗ്രസിനെക്കാൾ മുന്നിൽ.

സത്യ ഇലക്ട്രൽ ട്രസ്റ്റ് എന്ന പേരിലാണ് ഇവർ അറിയപ്പെട്ടത്. തുടർന്ന് വൻ ഭരണങ്ങൾക്ക് വീഴാൻ വരെ അവസരം നൽകി.

സമാജ്‌വാദി പാര്‍ട്ടി, ആം ആദ്മി പാര്‍ട്ടി, വൈ.എസ്.ആര്‍. കോണ്‍ഗ്രസ്, കോണ്‍ഗ്രസ്, ശിരോമണി അകാലിദള്‍, പഞ്ചാബ് ലോക് കോണ്‍ഗ്രസ് പാര്‍ട്ടി, ഗോവ ഫോര്‍വേഡ് പാര്‍ട്ടി, ഡി.എം.കെ. അടക്കം എല്ലാ പാര്‍ട്ടികള്‍ക്കും കൂടി 95.56 കോടി രൂപയാണ് ലഭിച്ചത്.

പ്രൂഡന്റ് ഇലക്ടറല്‍ ട്രസ്റ്റ് ആണ് ബി.ജെ.പിക്ക് ഏറ്റവും കൂടുതല്‍ തുക സംഭാവന നല്‍കിയത്‌. 336.50 കോടി രൂപ ഈ ട്രസ്റ്റ് ഒറ്റയ്ക്ക് സംഭാവന ചെയ്തിട്ടുണ്ട്. 464.81 കോടി ഇക്കാര്യത്തിൽ ചിലവഴിച്ച കൂട്ടത്തിലാണ് ബി ജെ പിക്കുള്ള തുക പ്രത്യകം നൽകുന്നത്. എ.ബി. ജനറല്‍ ഇലക്ടറല്‍ ട്രസ്റ്റ് പത്തുകോടി രൂപയും സമാജ് ഇലക്ടറല്‍ ട്രസ്റ്റ് അഞ്ചുകോടി രൂപയും ബി.ജെ.പിക്ക് സംഭാവന നല്‍കി.

18.44 കോടി രൂപ ലഭിച്ച കോണ്‍ഗ്രസ് ബി.ആര്‍.എസിനും സമാജ്‌വാദി പാര്‍ട്ടിക്കും ആം ആദ്മി പാര്‍ട്ടിക്കും പിറകിലാണ്. സമാജ്‌വാദി പാര്‍ട്ടിക്ക് 27 കോടി രൂപയും ആം ആദ്മി പാര്‍ട്ടിക്ക് 21.12 കോടി രൂപയും വൈ.എസ്.ആര്‍. കോണ്‍ഗ്രസിന് 20 കോടി രൂപയും ലഭിച്ചു.

475.80 കോടി രൂപയാണ് ആകെ ഇലക്ടറല്‍ ട്രസ്റ്റുകളിലേക്ക് സംഭാവനയായി ലഭിച്ചത്. 89 കോര്‍പ്പറേറ്റ്, വന്‍കിട ബിസിനസ് സംരംഭങ്ങളാണ് സംഭാവന നല്‍കിയത്. ആര്‍സെലര്‍ മിത്തല്‍ നിപ്പോണ്‍ സ്റ്റീല്‍ ഇന്ത്യയാണ് ഇലക്ടറല്‍ ട്രസ്റ്റിലേക്ക് ഏറ്റവും കൂടുതല്‍ തുക സംഭാവനയായി നല്‍കിയത്. 70 കോടിയാണ് ഇവരുടെ സംഭാവന. ഭാരതി എയര്‍ടെല്‍ ട്രസ്റ്റുകള്‍ വഴി 51 കോടി രൂപ വിവിധ രാഷ്ട്രീയ പാര്‍ട്ടികള്‍ക്ക് സംഭാവന നല്‍കി.

2020-21 സാമ്പത്തിക വര്‍ഷം ആകെ സംഭാവനയുടെ 82.05 ശതമാനമായിരുന്നു ബി.ജെ.പിക്ക് ഇലക്ടറല്‍ ട്രസ്റ്റ് വഴി ലഭിച്ച സംഭാവന. കഴിഞ്ഞ വര്‍ഷത്തെ അപേക്ഷിച്ച് 130 കോടിയോളം രൂപ അധികം ലഭിച്ചെങ്കിലും ശതമാനത്തില്‍ കുറവാണ്