ഓൺലൈൻ ഗെയിമുകളിൽ കുട്ടികൾ വഴി തെറ്റുന്നത് തടയാൻ പ്രായം കണക്കാക്കുന്ന ബയോമെട്രിക്സ് സംവിധാനം ഏർപ്പെടുത്താൻ നിർദേശവുമായി ഐ.ടി. മന്ത്രാലയം. പ്രായപൂർത്തിയാകാത്തവരും വ്യാപകമായി പെയിഡ് ഗെയിമുകളും മുതിർന്നവരെ ഉദ്ദേശിച്ചുള്ളതുമായ ഗെയിമുകളും കളിക്കുന്നത് വ്യാപക പ്രശ്നങ്ങൾ സൃഷ്ടിക്കുന്ന സാഹചര്യത്തിലാണ് നീക്കം.
അച്ഛനമ്മമാരുടെയും മറ്റു മുതിർന്നവരുടെയും മുഖം രജിസ്റ്റർ ചെയ്ത ഐ.ഡി.കൾ ഉപയോഗിച്ച് കുട്ടികൾ ഗെയിമുകൾ കളിക്കുന്നത് നിയന്ത്രിക്കാനാണ് നീക്കം. രാത്രിയിലും തെളിച്ചത്തോടെ മുഖം തിരിച്ചറിയാൻ സാധിക്കുന്ന ബയോമെട്രിക് സംവിധാനങ്ങളാണ് ഉപയോഗിക്കുക. നിലവിൽ ചൈനയിൽ ഉപയോഗത്തിലുള്ള സംവിധാനങ്ങൾ ഇതിനായി പരിഗണിക്കും. എന്നാൽ ഗെയിം സോണുകളിലും മൊബൈൽ ഫോണിലും ഗെയിമുകൾ എങ്ങനെ വേർതിരിക്കും എന്നതിൽ വ്യക്തതയില്ല. നിരോധിക്കുന്ന ഗെയിമുകൾ രൂപം മാറു വരുന്നതാണ് പതിവ്
ഓൺലൈൻ ഗെയിമുകളുമായി ബന്ധപ്പെട്ട പരാതികൾ, കളിക്കാരുടെ സംരക്ഷണം, ഡേറ്റാ സംരക്ഷണം, പരസ്യ നിയന്ത്രണങ്ങൾ എന്നിവ ഉൾക്കൊള്ളിച്ച്, ഓൺലൈൻ ഗെയിമിങ് മേഖലയ്ക്കായി പ്രത്യേക കേന്ദ്ര നിയന്ത്രണ ചട്ടക്കൂട് നിർമാണവും നടപ്പാക്കുമെന്ന് നേരത്തെ പ്രഖ്യാപിച്ചിരുന്നു.
