കരുവന്നൂര് ബാങ്ക് തട്ടിപ്പ് കേസില് അഞ്ച് പ്രതികളുടെ സ്വത്ത് കണ്ടുകെട്ടാന് തൃശ്ശൂര് വിജിലന്സ് കോടതിയുടെ ഉത്തരവ് നൽകി. ബിജു കരീം, ജില്സ്, ബിജോയ, റെജി അനില്കുമാര് എന്നിവരുള്പ്പെടെ പ്രതികളുടെ സ്വത്ത് പിടിച്ചെടുക്കാനാണ് ഉത്തവ്. പ്രതികള് 2011 മുതല് 2021 വരെ സമ്പാദിച്ച 52 സര്വേനമ്പറുകളിലുള്ള ഭൂമിയാണ് കണ്ടുകെട്ടുക. ബിജോയിയുടെ പേരില് പീരുമേട്ടിലുള്ള ഒമ്പതേക്കര് ഭൂമിയും ഇതില് ഉള്പ്പെടും.
ഒന്നാം പ്രതി സുനില് കുമാറിന്റെ പേരില് പരാതിക്കാലത്ത് സ്വത്ത് സമ്പാദനം നടന്നിട്ടില്ലാത്തതിനാല് കണ്ടുകെട്ടല് നടപടിയില് ഉള്പ്പെടുത്തിയില്ല. പരാതി ഉയര്ന്ന കാലത്ത് പ്രതികള് 117 കോടി രൂപയുടെ വ്യാജലോണുകള് തരപ്പെടുത്തിയെന്നും അന്വേഷണസംഘം കോടതിയെ അറിയിച്ചിരുന്നു
ബിജോയുടെ 30 കോടി രൂപയുടെ സ്വത്ത് എന്ഫോഴ്സ്മെന്റ് ഡയറക്ടറേറ്റ് കണ്ടുകെട്ടി. ബിജോയിയുടെ നേതൃത്വത്തില് 26.60 കോടി രൂപ വായ്പ തട്ടിച്ചതും കണ്ടെത്തിയിരുന്നു. ബാങ്കില് 300 കോടിയിലേറെ രൂപയുടെ തട്ടിപ്പാണ് നടത്തിയത്.
