ഭര്ത്താവിൻ്റെ മര്ദനമേറ്റ് കാഴ്ച നഷ്ടപ്പെട്ടെന്ന് യുവതിയുടെ പരാതിയിൽ പൊലീസ് കേസെടുത്തു. കരിപ്പൂര് കൊളത്തൂരിലെ കുറ്റിക്കാട്ടില് നഫിയയാണ് പരാതിക്കാരി. ഇതു പ്രകാരം ഭര്ത്താവ് കാരാട് തൈത്തൊടി ഫിറോസ്ഖാനെ വാഴക്കാട് പോലീസ് അറസ്റ്റു ചെയ്തു.
ഭര്ത്താവ് തന്നെ നിരന്തരം വിവിധ കാരണങ്ങള്പറഞ്ഞ് മര്ദിക്കാറുണ്ടെന്നും ജൂലായ് 15-ന് അകാരണമായി മര്ദിച്ച് ഒരു കണ്ണിന് പരിക്കേല്പ്പിച്ചു. കണ്ണിനു പരിക്കേറ്റതിനെത്തുടര്ന്ന് കോഴിക്കോട് മെഡിക്കല് കോളേജില് പ്രവേശിപ്പിച്ചു. പരിശോധനയില് കണ്ണിന്റെ 90 ശതമാനം കാഴ്ച പോയെന്നും നഫിയ പറഞ്ഞു.
ഭര്ത്താവ് വാഴയൂര് ഭര്ത്താവ് കാരാട് തൈത്തൊടി ഫിറോസ്ഖാനെ അറസ്റ്റു ചെയ്തു. പിതാവ് മുഹമ്മദ്കുട്ടി, മാതാവ് സഫീയ എന്നിവര്ക്കെതിരെ കേസെടുത്തു. ഫിറോസ്ഖാനെ മലപ്പുറം ഫസ്റ്റ്ക്ലാസ് കോടതിയില് ഹാജരാക്കി റിമാന്ഡ് ചെയ്തു.
കുളിമുറിയിലേക്ക് തോര്ത്ത് എത്തിക്കാന് വൈകിയെന്ന് പറഞ്ഞായിരുന്നു 15-ാം തീയതിയിലെ മര്ദനം. ബെല്റ്റ് കൊണ്ട് നിരന്തരം അടിച്ചു. അഞ്ചാമത്തെ അടിയാണ് കണ്ണിന് കൊണ്ടത്. കണ്ണിന്റെ ഞരമ്പിന് ചതവുണ്ടായെന്നാണ് ഡോക്ടര്മാര് പറഞ്ഞതെന്നും നഫിയ വിശദീകരിച്ചു.
2011-ലാണ് നഫിയയും ഫിറോസ്ഖാനും വിവാഹിതരായത്. അന്നുമുതല് ഗാര്ഹികപീഡനവും മര്ദനവും പതിവാണെന്നാണ് ഇവരുടെ ആരോപണം. ഭാര്യയാണെന്ന പരിഗണനപോലും ഭര്ത്താവ് നല്കാറില്ലെന്നും നഫിയ ആരോപിച്ചു.
