കൊട്ടാരക്കര ഏഴുകോണിൽ ഗാന്ധിപ്രതിമയ്ക്ക് നേരെ വീണ്ടും ആക്രമണം. അനാഛാദനം ചെയ്യാനിരുന്ന പ്രതിമയുടെ തല അറുത്തുമാറ്റി. രണ്ടുദിവസം മുമ്പ് പ്രതിമയിൽ സ്ഥാപിച്ചിരുന്ന കണ്ണാടി ഊരിക്കൊണ്ടു പോയതിന് .പിന്നാലെയാണ് ആക്രമണം.
നേരത്തെ പ്രദേശത്ത് ഗാന്ധിയുടെ സ്തൂപം ഉണ്ടായിരുന്നു. ഇത് അക്രമികൾ തകർത്തു. ഈ കേസ് നിലനിൽക്കുന്നുണ്ട്. എന്നാൽ ഇതുവരെ പ്രതികളെ പിടികൂടാൻ പോലീസിന് സാധിച്ചിട്ടില്ല. ഇതു സംബന്ധിച്ച് ആരോപണങ്ങൾ നിലനിൽക്കയാണ്. ഇതിന് പിന്നാലെയാണ് പുതിയ ഗാന്ധിപ്രതിമ സ്ഥാപിച്ചത്. തിങ്കളാഴ്ച കൊടിക്കുന്നിൽ സുരേഷ് എം.പി. പ്രതിമ ഉദ്ഘാടനം ചെയ്യാനിരിക്കയായിരുന്നു. തല അറുത്തുമാറ്റി എടുത്തുകൊണ്ടു പോകുകയായിരുന്നു.
സംഭവത്തിൽ കൊല്ലം ഏഴുകോൺ പോലീസ് കേസെടുത്ത് അന്വേഷണം ആരംഭിച്ചു.
