പൂന്തോട്ടപരിപാലനം മാനസികാരോഗ്യം മെച്ചപ്പെടുത്തമെന്ന് പഠനം. ഫ്ളോറിഡ സർവകലാശാലയിലെ ഗവേഷകരാണ് പഠനത്തിന് പിന്നിൽ. പൂന്തോട്ട പരിപാലനം സമ്മർദത്തെയും അമിത ഉത്കണ്ഠയെയും വിഷാദരോഗത്തെയും കുറയ്ക്കുമെന്നാണ് പഠനത്തിൽ പറയുന്നത്. സയൻസ് ഡെയിലി ഇതു സംബന്ധിച്ച ഗവേഷണ റിപ്പോർട്ട് പ്രസിധീകരിച്ചു.
പഠനത്തിൽ പങ്കെടുത്തവരാരും നേരത്തേ പൂന്തോട്ടപരിപാലനം ചെയ്തവരല്ല. മാനസിക സംബന്ധമായ പ്രശ്നങ്ങൾ നേരിടുന്നവരെയാണ് പഠനത്തിന് വിധേയമാക്കിയത്. 26 നും 45 നും ഇടയിലുള്ള 30 സ്ത്രീകൾ പഠനത്തിൽ പങ്കെടുത്തു.
പൂർണ മാനസിക ആരോഗ്യം പുലർത്തുന്നവർക്കും പൂന്തോട്ടപരിപാലനം കൂടുതൽ ഗുണം ചെയ്യുമെന്ന് പഠനത്തിന് നേതൃത്വം നൽകിയ പ്രൊഫസർ ചാൾസ് ഗൈ പറഞ്ഞു. മാത്രമല്ല കായികാരോഗ്യത്തെയും ഇത് സ്വാധീനിക്കും.
ലഹരിയുടെ അമിതോപയോഗമുള്ളവരും ആങ്സൈറ്റിക്കും വിഷാദരോഗത്തിനും മരുന്നു കഴിക്കുന്നവരും ഗവേഷണത്തിൻ്റെ ഭാഗമായി. ഇവരിൽ പകുതിയോളം പേരെ പൂന്തോട്ട പരിപാലനത്തിലേക്കും ബാക്കിയുള്ളവരെ ആർട്ട് മേക്കിങ് സെഷനിലേക്കും തിരിച്ചുവിട്ടായിരുന്നു പഠനം
ശരീരത്തെയും മനസ്സിനെയും സുഖപ്പെടുത്താൻ പൂന്തോട്ടപരിപാലനം ഉപയോഗിക്കുന്നതിനെ തെറാപ്യൂട്ടിക് ഹോർട്ടികൾച്ചർ എന്നാണ് പറയുന്നത്.
പഠനം നടത്തിയത് രണ്ടായി തിരിച്ച്
ഇരുവിഭാഗങ്ങളിലും ക്രിയേറ്റിവിറ്റിയെയും ശാരീരിക പ്രവർത്തനങ്ങളെയും മെച്ചപ്പെടുത്തുന്ന പ്രവർത്തനങ്ങളാണ് നടത്തിയത്. വിത്ത് നടുന്നതുമുതൽ ചെടിവളരും വരെയുള്ള വിവിധ പ്രക്രിയകളിലൂടെയാണ് പൂന്തോട്ട പരിപാലനത്തിലൂടെയുള്ളവർ കടന്നുപോയത്.
മറുവിഭാഗം ഡ്രോയിങ്, പേപ്പർ മേക്കിങ്, കൊളാഷ് തുടങ്ങിയവയിൽ ശ്രദ്ധ കേന്ദ്രീകരിച്ചു. ഇരുവിഭാഗത്തിന്റെയും മാനസിക സമ്മർദ നില പിന്നീട് പരിശോധിക്കുകയും താരതമ്യപ്പെടുത്തുകയുമാണ് ഗവേഷകർ ചെയ്തത്.
കലാവിഭാഗത്തിൽ ശ്രദ്ധ കേന്ദ്രീകരിച്ചവരേക്കാൾ പൂന്തോട്ട പരിപാലനം ചെയ്തവരിൽ മാനസികാരോഗ്യം കൂടുതൽ മെച്ചപ്പെട്ടതായി പഠനത്തിൽ നിന്നു കണ്ടെത്തി. എങ്ങനെയാണ് പൂന്തോട്ട പരിപാലനം മാനസികാരോഗ്യത്തെ ഗുണപരമായി ബാധിക്കുന്നത് എന്ന വിഷയത്തിൽ പഠനങ്ങൾ തുടരുകയാണ് എന്ന് ഗവേഷണ ജേർണലുകൾക്കുള്ള പ്ലോസ് വൺ മാഗസിൻ റിപ്പോർട്ട് ചെയ്യുന്നു.
Journal Reference:
- Raymond Odeh, Elizabeth R. M. Diehl, Sara Jo Nixon, C. Craig Tisher, Dylan Klempner, Jill K. Sonke, Thomas A. Colquhoun, Qian Li, Maria Espinosa, Dianela Perdomo, Kaylee Rosario, Hannah Terzi, Charles L. Guy. A pilot randomized controlled trial of group-based indoor gardening and art activities demonstrates therapeutic benefits to healthy women. PLOS ONE, 2022; 17 (7): e0269248 DOI: 10.1371/journal.pone.0269248
