അഭിമാനത്തോടെയാണ് സിപിഎം പാര്ട്ടി കോണ്ഗ്രസിൻ്റെ ഭാഗമായുള്ള സെമിനാറില് പങ്കെടുക്കുന്നത് മുതിര്ന്ന കോണ്ഗ്രസ് നേതാവ് കെ.വി തോമസ്. കുമ്പളങ്ങിയിലെ പ്രസിദ്ധമായ കോണ്ഗ്രസ് കുടുംബത്തില് നിന്നാണ് പാർട്ടിയിലേക്ക് വന്നത്. സിപിഎം പാര്ട്ടി കോണ്ഗ്രസ് വേദിയില് എത്തിയതും ചര്ച്ചയില് പങ്കെടുക്കുന്നതും ശരിയാണെന്ന് ഇപ്പോള് തോന്നുന്നു. ഇത് കോണ്ഗ്രസിനേയും ശക്തിപ്പെടുത്തുമെന്ന് സഹപ്രവര്ത്തകരും മനസ്സിലാക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.
രാജ്യത്തെ തന്നെ മികച്ച മുഖ്യമന്ത്രിമാരില് ഒരാളാണ്കേരളത്തിന്റെ അഭിമാനമായ പിണറായി വിജയന് എന്നും കെ വി തോമസ് പറഞ്ഞു. ചര്ച്ചയിലേക്ക് ക്ഷണിച്ച സിപിഎം നേതാക്കളോട് നന്ദി പറയുന്നു.
കേന്ദ്രം ഭരിക്കുന്ന ബിജെപി സര്ക്കാരിനെതിരേ രാഹുല് ഗാന്ധി പാര്ലമെന്റില് നടത്തിയ പ്രസംഗം കെ.വി തോമസ് ഉദ്ധരിച്ചു. രാഹുല് ഗാന്ധിയുടെ നേതൃത്വം അംഗീകരിക്കുന്നുണ്ടെങ്കില് സംസ്ഥാനത്തിന്റെ വികസനത്തെ എതിര്ക്കുന്ന കേന്ദ്ര നിലപാടിനെതിരെ നടക്കുന്ന പരിപാടികളില് നിങ്ങളും പങ്കെടുക്കണമെന്നാണ് കോണ്ഗ്രസിലെ എന്റെ സഹപ്രവര്ത്തകരോട് താന് ആവശ്യപ്പെടുന്നതെന്നും അദ്ദേഹം പ്രസംഗത്തില് പറഞ്ഞു.
കെ-റെയിലിനെ പിന്തുണയ്ക്കും. വികസന പദ്ധതികളെ താന് അംഗീകരിക്കും. പദ്ധതി മുന്നോട്ടുവെയ്ക്കുന്നത് പിണറായി ആണോ സ്റ്റാലിനാണോ എന്ന് നോക്കാറില്ല. വികസനത്തില് രാഷ്ട്രീയമില്ല. രാജ്യത്ത് വികസനം വേണം. വികസനം വരുമ്പോള് ഭൂമി ഏറ്റെടുക്കേണ്ടി വരും.
