ദിലീപ് കീഴൂരിൻ്റെ ‘മഴ നനഞ്ഞ മരങ്ങൾ, എന്ന പുസ്തകത്തിന് എഴുത്തച്ഛൻ മലയാള സാഹിതി പ്രത്യേക ജൂറി പരാമർശം . തിരനാടകങ്ങൾ എന്ന പേരിൽ, അഞ്ചു നാടകങ്ങളും അഞ്ചു ചെറു തിരക്കഥകളും അടങ്ങിയ കൃതിയാണ് മഴ നനഞ്ഞ മരങ്ങൾ. കൊല്ലി, മുറിവുകളുടെ ഭൂപടങ്ങൾ, വിസിലൊച്ച പോലെ, ഇരുൾ, പൂത്താറ്റ, ഹിരോഷിമ എന്നിവയാണ് പുസ്തകത്തിലെ പ്രധാനരചനകൾ.
ചിത്രകാരനും രചയിതാവുമായ ദിലീപ് കീഴൂരിൻ്റെ കാഴ്ച, ഐ തുടങ്ങിയ ഷോർട് ഫിലിമുകൾ സാമൂഹിക ശ്രദ്ധ നേടിയവയാണ്.
എഴുത്തച്ഛൻ സാഹിതി ഗ്രൂപ്പാണ് അവാർഡിന് അർഹമായ പുസ്തകങ്ങൾ പ്രസിദ്ധീകരിച്ചതും. മലാല, ഗ്രെറ്റ തുൻബർഗ് തുടങ്ങി ലോകത്താകെ ശ്രദ്ധിക്കപ്പെട്ട കുട്ടികളെ കഥാപാത്രങ്ങളാക്കിയാണ് നാടകങ്ങളും തിരക്കഥകളുമൊക്കെ തയാറാക്കിയത്.
