‘കൗണ്സില് ഓഫ് സയന്റിഫിക് ആന്റ് ഇന്ഡസ്ട്രിയല് റിസേര്ച്ച്'(സിഎസ്ഐആര്) മേധാവിയായി സീനിയര് സയന്റിസ്റ്റ് ഡോ. നല്ലതമ്പി കലൈശെല്വിയെ നിയമിച്ചു. ആദ്യമായാണ് ഒരു വനിത ഈ സ്ഥാനത്തെത്തുന്നത്.
നിലവില് കാരക്കുടിയിലെ സെന്ട്രല് ഇലക്ട്രോകെമിക്കല് റിസേര്ച്ച് ഇന്സ്റ്റിറ്റ്യൂട്ടിന്റെ ഡയറക്ടറാണ് കലൈശെല്വി. ഈ സ്ഥാനത്തെത്തുന്ന ആദ്യ വനിതയും കലൈശെല്വിയായിരുന്നു.
ഡയറക്ടര് സ്ഥാനത്ത് നിന്ന് ഇക്കഴിഞ്ഞ ഏപ്രിലില് വിരമിച്ച ശേഖര് മണ്ടേയുടെ പിന്ഗാമിയായാണ് കലൈശെല്വി അധികാരമേറ്റത്.
രാജ്യത്തെ ശാസ്ത്രഗവേഷണത്തേയും വ്യാവസായത്തേയും തമ്മില് ബന്ധിപ്പിക്കുന്ന ഉന്നതാധികാര സമിതിയാണ് സിഎസ്ഐആര്. 38 ദേശീയ ലബോറട്ടറികള് സിഎസ്ഐആറിന് കീഴില് പ്രവര്ത്തിക്കുന്നു. 3500ഓളം ശാസ്ത്രജ്ഞരും 4350 അനുബന്ധ ഉദ്യോഗസ്ഥരും സാങ്കേതിക പ്രവര്ത്തകരും ഈ ദേശീയ ലാബോറട്ടറികളിലായി പ്രവര്ത്തിക്കുന്നുണ്ട്.
സയന്റിഫിക് ആന്ഡ് ഇന്ഡസ്ട്രിയല് റിസര്ച്ച് വകുപ്പ് സെക്രട്ടറിയായും ചുമതല വഹിക്കണം. രണ്ട് വര്ഷത്തേക്കാണ് നിയമനം. തമിഴ്നാട്ടിലെ തിരുനെല്വേലിക്കടുത്ത് അംബാസമുദ്രം സ്വദേശിനിയാണ്
