അഭിമുഖത്തിനിടെ അവതാരകയെ നടന് ശ്രീനാഥ് ഭാസി അധിക്ഷേപിച്ചതുമായി ബന്ധപ്പെട്ട കേസ് ഹൈക്കോടതി റദ്ദാക്കി. പരാതിക്കാരിയുമായി ഒത്തുതീര്പ്പ് ഉണ്ടായതിനെ തുടര്ന്നാണ് നടപടി. ശ്രീനാഥ് ഭാസി മാപ്പുപറഞ്ഞ സാഹചര്യത്തില് കേസുമായി മുന്നോട്ടുപോകാന് താത്പര്യമില്ലെന്ന് അവതാരക വ്യക്തമാക്കി. തുടര്ന്ന് കേസ് റദ്ദാക്കണമെന്ന് ആവശ്യപ്പെട്ട് ശ്രീനാഥ് ഭാസി ഹൈക്കോടതിയില് അപേക്ഷ നല്കി. ഇതിന് തുടർച്ചയായാണ് നടപടി.
നേരത്തെ കേസിലെ തുടര് നടപടികള് ഹൈക്കോടതി സ്റ്റേ ചെയ്തിരുന്നു. കേസ് റദ്ദാക്കാന് ശ്രീനാഥ് ഭാസി നല്കിയ ഹര്ജിയില് ജസ്റ്റിസ് ഡോ. കൗസര് എടപ്പഗത്താണ് ഇടക്കാല ഉത്തരവ് പുറപ്പെടുവിച്ചത്. സംഭവത്തില് ശ്രീനാഥ് ഭാസി മാപ്പുപറഞ്ഞതിനാല് കേസുമായി മുന്നോട്ടുപോകാന് താത്പര്യമില്ലെന്നും പരാതിയില്ലെന്നും അവതാരക വ്യക്തമാക്കിയിരുന്നു.
സെപ്റ്റംബര് 21-ന് കൊച്ചിയിലെ ഒരു ഹോട്ടലില് അഭിമുഖത്തിനിടെ തന്നെ അധിക്ഷേപിച്ചെന്ന് ചൂണ്ടിക്കാട്ടി അവതാരക നല്കിയ പരാതിയില് മരട് പോലീസ് കേസ് രജിസ്റ്റര്ചെയ്തു. 23-ന് ശ്രീനാഥ് ഭാസിയെ അറസ്റ്റുചെയ്ത് ജാമ്യത്തില് വിട്ടു. ശ്രദ്ധ നേടിയ കേസിൽ മാപ്പ് പറച്ചിലോടെ ഒത്തു തീർപ്പിൽ എത്തുകയായിരുന്നു.
