വാഹനങ്ങളുടെ പുകമലിനീകരണ നില പരിശോധനാ നിരക്കുകള് ഉയര്ത്തി. കലാവധി കുറച്ച് കൊണ്ട് നിരക്ക് ഉയർത്തിയത് ഇരട്ടി വർധനയായി. വർഷത്തിൽ രണ്ട് തവണവരെ സർവ്വീസ് ചെയ്യുന്ന വാഹനങ്ങൾക്ക് പോലും ഇത് നിർബന്ധമാണ്. വാഹനങ്ങളുടെ സർവ്വീസ് സ്റ്റേഷനുകളോട് അനുബന്ധിച്ച് പുക പരിശോധനാ സംവിധാനം ഏർപ്പെടുത്തണം എന്ന ആവശ്യം ഉന്നയിക്കപ്പെട്ടു എങ്കിലും പരിഗണിക്കപ്പെടാതെ പോവുകയായിരുന്നു.
കാലാവധി കുറച്ചു കാശ് കൂട്ടി
ബി.എസ്-4 വിഭാഗത്തില്പ്പെട്ട ഇരുചക്ര, മുച്ചക്രവാഹനങ്ങളുടെ സര്ട്ടിഫിക്കറ്റിന്റെ കാലാവധി ആറുമാസമായി കുറച്ചിട്ടുണ്ട്. ഡീസല് ഓട്ടോറിക്ഷ ഉള്പ്പെടെയുള്ള മറ്റു ബി.എസ്. 4 വാഹനങ്ങള്ക്ക് ഒരുവര്ഷത്തെ കാലാവധിയുണ്ടാകും.
ഇരുചക്രവാഹനങ്ങളില് ബി.എസ് 6-ന് 100 രൂപയാണ് പുതിയ ഫീസ്. മറ്റുള്ളവയ്ക്ക് പഴയ നിരക്കായ 80 രൂപ തുടരും. പെട്രോള്, സി.എന്.ജി. ഓട്ടോറിക്ഷകള്ക്ക് 110 രൂപയാണ് പുതിയ ഫീസ്. ബി.എസ്. 4-ന് ആറുമാസമാണ് കാലാവധി. ബി.എസ് 3 വരെ വര്ധനയില്ല.
ഡീസല് ഓട്ടോറിക്ഷകള്ക്ക് (ബി.എസ് 4, ബി.എസ് 6) 130 രൂപയാണ് പുതിയ നിരക്ക്. ഡീസല് കാറുകള്ക്ക് ബി.എസ് 3 വരെ 110 രൂപയും (ആറുമാസം) മറ്റുള്ളവയ്ക്ക് 130 രൂപയും (ഒരു വര്ഷം) നല്കണം. മീഡിയം, ഹെവി വാഹനങ്ങള്ക്ക് 180 രൂപ(ഒരു വര്ഷം)യാണ് ഫീസ്. 150 ആയിരുന്നു പഴയനിരക്ക്. ബി.എസ്. 6-ല്പെട്ട എല്ലാ വാഹനങ്ങള്ക്കും ഒരുവര്ഷത്തെ കാലാവധി ലഭിക്കും. ടെസ്റ്റിങ് സെന്ററുകള്ക്ക് വിവിധ ഏജന്സികള് നല്കുന്ന കാലിബറേഷന് സര്ട്ടിഫിക്കറ്റിന്റെ കാലാവധി ആറുമാസമായി നീട്ടിയിട്ടുണ്ട്.
പുക പരിശോധന നിരക്കുകള്
ഇരുചക്ര വാഹനങ്ങള്
- ബിഎസ്-6 മോഡലിന് 100 രൂപ
- ബി.എസ്. 1-4 മോഡലിന് 80 രൂപ
ഓട്ടോറിക്ഷ (പെട്രോള്, സി.എന്.ജി)
- ബി.എസ്. 1 മുതല് 4 വരെ 80 രൂപ
- ബി.എസ്.6 മോഡലിന് 110 രൂപ
ഓട്ടോറിക്ഷ ഡീസല്
- ബി.എസ്.1 മുതല് 3 വരെ 90 രൂപ
- ബി.എസ്. 4 മുതല് 6 വരെ 110 രൂപ
എല്.എം.വി (പെട്രോള്,സി.എന്.ജി)
- ബി.എസ്. 1 മുതല് 3 വരെ 100 രൂപ
- ബി.എസ്. 4 മുതല് 6 വരെ 130 രൂപ
എല്.എം.വി. ഡീസല്
- ബി.എസ്.1 മുതല് 3 വരെ 110 രൂപ
- ബി.എസ്.4 മുതല് 6 വരെ 130
മീഡിയം/ഹെവി വാഹനങ്ങള്
- ബി.എസ്.1 മുതല് 3 വരെ 150 രൂപ
- ബി.എസ്.4 മുതല് 6 വരെ 180 രൂപ
