സംസ്ഥാനത്ത് രണ്ട് വിദ്യാര്ത്ഥിനികൾ ആത്മഹത്യ ചെയ്തു. ആലപ്പുഴയിലും തൃശ്ശൂരിലുമാണ് വിദ്യാര്ത്ഥിനികൾ ആത്മഹത്യ ചെയ്തത്. രണ്ടു പേരും പ്ലസ് ടു പരീക്ഷയിൽ പരാജയപ്പെട്ടിരുന്നു.
തൃശ്ശൂർ ഇരിങ്ങാലക്കുടയിൽ പ്ലസ്ടു വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തി. പട്ടേപ്പാടം കുന്നുമല്ക്കാട് പൊട്ടത്ത്പറമ്പില് മുജീബിന്റെ മകള് ദിലിഷയെ (17) യാണ് തൂങ്ങിമരിച്ച മരിച്ച നിലയിൽ കണ്ടെത്തിയത്. ഉച്ചയ്ക്ക് ഒരു മണിയോടെയായിരുന്നു സംഭവം. കല്പറമ്പ് സ്കൂളിലെ പ്ലസ് ടു വിദ്യാര്ത്ഥിയായിരുന്നു ദിലിഷ. ഇന്ന് പ്ലസ് ടു ഫലം വന്നപ്പോള് മൂന്ന് വിഷയങ്ങളില് പരാജയപ്പെട്ടിരുന്നു. മൃതദേഹം ഇരിങ്ങാലക്കുട ജനറല് ആശുപത്രിയില് സൂക്ഷിച്ചിരിക്കുകയാണ്.
ഇത്തവണ പ്ലസ് ടു പരീക്ഷയിൽ വിജയ ശതമാനം കുറവാണ്. മാത്രമല്ല ജൂലൈ 25 മുതൽ സേ പരീക്ഷ ആരംഭിക്കാനിരിക്കുന്നു. കോവിഡ് സാഹചര്യം കാരണം പഠന പ്രശ്നങ്ങളും പ്രയാസങ്ങളുമുള്ള കുട്ടികൾക്ക് പരീക്ഷ വെല്ലുവിളിയായിരുന്നു. ഈ സാഹചര്യത്തിൽ കൂടുതൽ പരിശീലനത്തോടെ പരീക്ഷയെ നേരിടാൻ സാഹചര്യമുണ്ട്.
