ബത്തേരി തിരഞ്ഞെടുപ്പ് കോഴക്കേസിലെ ഫോൺ സംഭാഷണം സംബന്ധിച്ച ഫൊറന്സിക് റിപ്പോര്ട്ട് അന്വേഷണ സംഘത്തിന് ലഭിച്ചു. സംഭാഷണത്തിലെ ശബ്ദം ബിജെപി സംസ്ഥാന അധ്യക്ഷന് കെ സുരേന്ദ്രന്റേത് തന്നെയാണ് കണ്ടെത്തൽ. പ്രസീത അഴീക്കോട് ആണ് ശബ്ദരേഖ പുറത്തുവിട്ടത്. കേസിലെ 14 ഇലക്ട്രോണിക് ഉപകരണങ്ങളുടെയും ഫൊറന്സിക് റിപ്പോര്ട്ട് പൊലീസിന് ലഭിച്ചു.
റിപ്പോർട്ട് അടിസ്ഥാനമാക്കി കെ സുരേന്ദ്രന്, സി കെ ജാനു, പാർട്ടി ജില്ലാ വൈസ് പ്രസിഡൻ്റ് പ്രശാന്ത് മലവയല്, എന്നിവര്ക്കെതിരെ കുറ്റപത്രം നല്കാനാണ് അന്വേഷണ സംഘത്തിന്റെ നീക്കം.
ബിജെപി സംസ്ഥാന അധ്യക്ഷന് ഒന്നാംപ്രതിയായ കേസില് പരമാവധി തെളിവ് ശേഖരിച്ച ശേഷം പ്രതികളെ ചോദ്യം ചെയ്താല് മതിയെന്നായിരുന്നു അന്വേഷണ സംഘത്തിന്റെ നിലപാട്. രാഷ്ട്രീയ വിദ്വേഷം എന്ന നിലയ്ക്ക് ചിത്രീകരിക്കപ്പെടുന്നത് ഒഴിവാക്കുകയായിരുന്നു ഉദ്ദേശം.
കോഴ പണം കൈമാറിയതിന് തെളിവായി പ്രസീത അഴീക്കോട് പുറത്തുവിട്ട ഫോണ്സംഭാഷണങ്ങളുടെ ആധികാരികത ഉറപ്പുവരുത്താനായിരുന്നു ശബ്ദപരിശോധന നടത്തിയത്. ശബ്ദ സാംപിളുകളുടെ പരിശോധ ഫലത്തോടൊപ്പം ഇതുവരെ ശേഖരിച്ച തെളിവുകളും മുന്നിര്ത്തി ചോദ്യം ചെയ്യൽ തുടരും.
