ഡിഫന്സീവ് മിഡ്ഫീല്ഡര് കാസെമിറോ തൊടുത്ത ഗോളിൽ നിന്നും ലോകകപ്പ് ഗ്രൂപ്പ് ജിയില് തുടര്ച്ചയായ രണ്ടാം ജയം നേടി ബ്രസീല് പ്രീക്വാര്ട്ടറില് പ്രവേശിച്ചു. സ്വിറ്റ്സര്ലൻഡിനെ ഈയൊരൊറ്റ ഗോളിന് മറികടന്നാണ് ബ്രസീല് അവസാന പതിനാറില് ഒരാളായത്. ആദ്യ പകുതി ശാന്തമായി ഒഴുകിയ കളി രണ്ടാം പാതിയിലാണ് കരുത്തു കാട്ടിയത്. 63 ാം മിനിറ്റിൽ വിനിഷ്യസ് നേടിയ ഗോൾ നേരിയ വ്യത്യാസത്തിൽ ഓഫ് സൈഡ് ആയി. പാസ് തൊടുത്ത റിച്ചാലിസൻ്റെ നീക്കമാണ് ഓഫ് സൈഡ് കാണിച്ചത്. എങ്കിലും കളി ചൂട് പിടിച്ചു.
അവസരങ്ങള് തുലയ്ക്കുന്നത് കണ്ട് നിരാശപൂണ്ട സമനിലയിലേയ്ക്ക് നീങ്ങിയ മത്സരത്തിന്റെ എണ്പത്തിമൂന്നാം മിനിറ്റിലായിരുന്നു കാസെമിരോയുടെ യഥാർത്ഥ ഗോൾ. ബോക്സില് നിന്ന് തൊടുത്ത വലങ്കാല് ഹാഫ് ഗോളി അകഞ്ചിയുടെ ശരീരത്തിൽ തൊട്ടു തൊട്ടില്ലെന്ന് വലയിൽ എത്തുകയായിരുന്നു.
രണ്ട് മത്സരങ്ങള് പൂര്ത്തിയാക്കിയ ബ്രസീലിന് ആറ് പോയിന്റായി. മൂന്ന് പോയിന്റുള്ള സ്വിറ്റ്സര്ലന്ഡ് രണ്ടാം സ്ഥാനത്താണ്. ഓരോ പോയിന്റ് വീതമുള്ള കാമറൂണും സെര്ബിയയുമാണ് മൂന്നും നാലും സ്ഥാനങ്ങളില്.
സൂപ്പര് താരം നെയ്മറില്ലാതെയാണ് ബ്രസീല് കളിച്ചത്. രണ്ട് മാറ്റങ്ങളാണ് പരിശീലകന് ടിറ്റെ ടീമില് വരുത്തിയത്. നെയ്മര്ക്ക് പകരം ഫ്രെഡും ഡാനിലോയ്ക്ക് പകരം എഡര് മിലിറ്റാവോയും ടീമിലിടം നേടി. മറുവശത്ത് സ്വിറ്റ്സര്ലന്ഡ് സൂപ്പര് താരം ഷാക്കിരിയ്ക്ക് പകരം ഫാബിയാന് റീഡര്ക്ക് അവസരം നല്കി. തുടക്കത്തിൽ ഗോള് അവസരങ്ങള് സൃഷ്ടിക്കാന് ഇരുടീമുകളും പാടുപെട്ടു.
ബ്രസീല് ആക്രമണത്തിന്റെ ശക്തി കൂട്ടാനായി 73-ാം മിനിറ്റില് റാഫീന്യയെയും റിച്ചാര്ലിസണെയും പിന്വലിച്ച് പകരം ആന്റണിയെയും ഗബ്രിയേല് ജെസ്യൂസിനെയും കൊണ്ടുവന്നു. 81-ാം മിനിറ്റില് ആന്റണിയെടുത്ത കോര്ണര് കിക്കിന്റെ ഭാഗമായി ഗയ്മെറസ് പോസ്റ്റിലേക്ക് ഹെഡ്ഡ് ചെയ്തെങ്കിലും ഗോള്കീപ്പര് സോമര് അനായാസം പന്ത് കൈയ്യിലാക്കി.
എന്നാല് ബ്രസീല് ആരാധകരെ സന്തോഷക്കൊടുമുടിയിലെത്തിച്ചുകൊണ്ട് കാസെമിറോ കാനറികള്ക്ക് വേണ്ടി ഗോളടിച്ചു. മത്സരത്തിന്റെ 83-ാം മിനിറ്റിലാണ് മിഡ്ഫീല്ഡ് ജനറല് പന്ത് വലയിലേക്ക് അടിച്ചുകയറ്റിയത്. വിനീഷ്യസ് ജൂനിയര് തുടങ്ങിവെച്ച മുന്നേറ്റമാണ് ഗോളില് കലാശിച്ചത്. വിനീഷ്യസ് നല്കിയ പാസ് റോഡ്രിഗോ കാസെമിറോയ്ക്ക് മറിച്ചുനല്കി. കിട്ടിയ അവസരം മുതലെടുത്ത കാസെമിറോ തൊടുത്തുവിട്ട വെടിയുണ്ട പോലുള്ള ഷോട്ട് സ്വിസ് പ്രതിരോധം ഭേദിച്ച് ഗോള്വല കീറി.
