മാധ്യമസ്വാതന്ത്ര്യവും അതിന് ജനാധിപത്യത്തിലുള്ള പ്രധാന്യവും ഓര്മ്മിപ്പിച്ച് സുപ്രീംകോടതി. മീഡിയാവണ് ചാനലിനെതിരായ വിലക്ക് റദ്ദാക്കി കൊണ്ടുള്ള വിധിയില് ഹൈക്കോടതി വിധിയെയും സുപ്രീം കോടതി വിമർശന വിധേയമാക്കി. സ്വതന്ത്ര മാധ്യമ പ്രവര്ത്തനം പൗരന്മാര്ക്ക് മുന്നില് കഠിനമായ യാഥാര്ഥ്യങ്ങള് അവതരിപ്പിക്കുകയും അതുവഴി ഉചിതമായത് തിരഞ്ഞെടുക്കാൻ പ്രാപ്തമാക്കുകയും ചെയ്യു. മാത്രമല്ല ജനാധിപത്യത്തെ നേര്വഴിക്ക് നയിക്കാന് അത് സഹായിക്കുകയും ചെയ്യുന്നു. ഭരണത്തെ നിര്ണയിക്കുന്നതിന് വെളിച്ചം വീശുകയും ചെയ്യുന്നതാണ് ഇതെന്ന് ചീഫ് ചീഫ് ജസ്റ്റിസ് ഡി.വൈ ചന്ദ്രചൂഢും ജസ്റ്റിസ് ഹിമ കോലിയും അടങ്ങുന്ന ബഞ്ച് അഭിപ്രായപ്പെട്ടു.
ഹൈക്കോടതി എന്ത് ബോധ്യത്തിൻ്റെ അടിസ്ഥാനത്തിലാണ്….
മാധ്യമ വിലക്ക് ശരിവച്ച ഹൈക്കോടതി ഉത്തരവിനെയും കോടതി വിമര്ശിച്ചു. ഹൈക്കോടതി എന്ത് ബോധ്യത്തിന്റെ അടിസ്ഥാനത്തിലാണ് വിലക്ക് ശരിവെച്ചതെന്ന് മനസ്സിലാകുന്നില്ലെന്നും ബെഞ്ച് അഭിപ്രായപ്പെട്ടു.
മാധ്യമസ്വാതന്ത്ര്യം കരുത്തുള്ള ജനാധിപത്യത്തിന് ആവശ്യമാണ്. ജനാധിപത്യ സമൂഹത്തില് അതിനുള്ള പങ്ക് ഏറെ നിര്ണായകമാണ്. സര്ക്കാരിന്റെ നയങ്ങളെ വിമര്ശിച്ചാല് അത് സര്ക്കാര്വിരുദ്ധതയാകില്ല. സര്ക്കാര് ഇത്തരം ആവശ്യങ്ങള് ഉന്നയിക്കുന്നതിലൂടെ തന്നെ ഭരണകൂടത്തെ മാധ്യമങ്ങള് പിന്തുണക്കണം എന്ന ധ്വനി നല്കുന്നു എന്ന നിർണ്ണായകമായ വിമർശനവും സുപ്രീം കോടതി ഉന്നയിച്ചു.
വിമർശനങ്ങളെ രാജ്യ സ്നേഹം കലർത്തി നേരിടുന്ന ഭരണ കൂട തന്ത്രത്തെ തുറന്നു കാട്ടി
സര്ക്കാര് നയങ്ങളെ വിമര്ശിക്കുന്നതിന്റെ പേരില് ആര്ട്ടിക്കിള് 19(2) ന്റെ പരിധിയില് പെടുത്തുന്നത് നിലനില്ക്കില്ല. അത് പൗരന്മാരുടെ അഭിപ്രായ സ്വാതന്ത്ര്യം തടയാന് വഴിയൊരുക്കും. സീല് ചെയ്ത കവറില് രഹസ്യമായി കോടതിയെ ധരിപ്പിക്കുന്ന രീതി സ്വാഭാവിക നീതി തടയുന്നതാണ്.
പൗരന്റെ അവകാശങ്ങള് ഹനിക്കാന് ദേശ സുരക്ഷവാദം ഉപയോഗിക്കുകയാണ്. നീതിന്യായ വ്യവസ്ഥയില് ഇതിനോട് യോജിക്കാനാകില്ല. ദേശസുരക്ഷയ്ക്ക് ഭീഷണി എന്ന് വെറുതെ പറഞ്ഞാല് പോര. അതിന് വസ്തുതകളുടെ പിന്ബലമുണ്ടാകണമെന്നും കോടതി അടിവരയിട്ടു.
