മൂന്നു പതിറ്റാണ്ടിന് ശേഷം എന്ന വിശേഷണവുമായി മമ്മൂട്ടിയുടേയും മോഹൻലാലിന്റെയും കുടുംബസമേതമുള്ള ചിത്രങ്ങൾ വെെറലാകുന്നു. മമ്മൂട്ടിയും ഭാര്യ സുൽഫത്തും മോഹൻലാലും ഭാര്യ സുചിത്രയും ഒരൊറ്റ ഫ്രെയിമിൽ വരുന്ന ചിത്രം ഒരു വിവാഹ ചടങ്ങിൽ നിന്നാണ്. ഇതോടൊപ്പം മമ്മൂട്ടിയും സുൽഫത്തും മോഹൻലാലിന്റെയും സുചിത്രയുടേയും വിവാഹത്തിന് പങ്കെടുത്ത പഴയ ചിത്രം പങ്കുവെച്ചാണ് ആരാധകർ 35 വർഷം മുൻപത്തെ ഓർമ്മ ആഘോഷിച്ചത്.
ലുലു ഗ്രൂപ്പ് ചെയർമാൻ എം.എ. യൂസഫലിയുടെ സഹോദരന്റെ മകളുടെ വിവാഹത്തിനാണ് താരകുടുംബം ഒന്നിച്ചത്. സിനിമാ രംഗത്തെ സ്റ്റിൽ ഫോട്ടോഗ്രഫറായ ജയപ്രകാശ് പയ്യന്നൂർ എടുത്ത ചിത്രങ്ങളാണ്.
ലുലു എക്സിക്യൂട്ടീവ് ഡയറക്ടര് കൂടിയായ തൃശ്ശൂര് നാട്ടിക മുസ്ലിയാം വീട്ടില് എം.എ. അഷ്റഫ് അലിയുടെയും സീന അഷ്റഫ് അലിയുടെയും മകള് ഫഹിമയുടെ വിവാഹത്തിനാണ് താരം സംഗമം ഒരുങ്ങിയത്. ജയറാം, പാർവ്വതി, കുഞ്ചാക്കോ ബോബന്, ജയസൂര്യ, ആസിഫ് അലി, ടോവിനോ തോമസ്, ദിലീപ് എന്നിവരും കുടുംബസമേതം എത്തി.
നടന് ജോജു ജോര്ജ്ജ്, നിര്മാതാവ് ആന്റോ ജോസഫ്, നടനും സംവിധായകനുമായ രമേഷ് പിഷാരടി, നടി അപര്ണ്ണ ബാലമുരളി, കാളിദാസ്, മാളവിക, കാവ്യാ മാധവന്, കുഞ്ചാക്കോ ബോബന്റെ ഭാര്യ പ്രിയ, ജയസൂര്യയുടെ ഭാര്യ സരിത, ആസിഫ് അലിയുടെ ഭാര്യ സമ എന്നിവരും പങ്കെടുത്തിരുന്നു.
