ഇടുക്കി മാങ്കുളത്ത് നാട്ടിലിറങ്ങി ശല്യം ചെയ്ത പുലിയെ നാട്ടുകാർ ഒത്തു ചേർന്ന് തല്ലിക്കൊന്നു. മാങ്കുളം അമ്പതാംമൈൽ സ്വദേശി ഗോപാലനെ പുലി ആക്രമിച്ചിരുന്നു. ഇതിനിടയിൽ ഓടിക്കൂടിയവർ ചേർന്ന് തല്ലിക്കൊല്ലുകയായിരുന്നു എന്നാണ് നാട്ടുകാരുടെ വിശദീകരണം.
ഇന്നലെ രാത്രിയിൽ അമ്പതാം മൈലിൽ എത്തിയ പുലി രണ്ട് ആടുകളെയും കൊന്നിരുന്നു. കുറച്ചു നാളുകളായി മാങ്കുളം മേഖലയിൽ പുലിയുടെ ശല്യം ഉണ്ട്. പുലിയെ പിടിക്കാൻ വനം വകുപ്പ് കൂടി സ്ഥാപിച്ചിരുന്നു. പക്ഷെ ഇത് ഫലം കണ്ടില്ല.
ഇതിനിടയിലാണ് ആക്രണം ഉണ്ടായത്. പുലർച്ചെ പുലിയെ നാട്ടുകാർ ചേർന്നാണ് തല്ലിക്കൊന്നത്.
