വാട്സാപ്പ് ബിസിനസ് ഉപഭോക്താക്കള്ക്കായി പ്രീമിയം ഫീച്ചര് പ്ലാൻ നിലവിൽ വന്നു. ഇതുവഴി ബിസിനസ് ചെയ്യുന്നവർക്ക് അവരുടെ ആവശ്യങ്ങൾക്ക് അനുസരിച്ച ഫീച്ചറുകൾ ലഭ്യമാവും.
പ്ലേ സ്റ്റോറിലും ടെസ്റ്റ് ഫ്ളൈറ്റിലും ലഭ്യമായ വാട്സാപ്പ് ബിസിനസിൻ്റെ ആന്ഡ്രോയിഡിലും ഐഒഎസിലും ബീറ്റാ പതിപ്പുകള് ഡൗണ്ലോഡ് ചെയ്ത ചില ബിസിനസ് അക്കൗണ്ടുകള്ക്കാണ് സൌകര്യമെന്ന് വാബീറ്റ ഇന്ഫോ റിപ്പോര്ട്ട് ചെയ്തു. സബ്സ്ക്രിപ്ഷന് പ്ലാനുകളായാണ് ഇത് അവതരിപ്പിച്ചിരിക്കുന്നത്.
ഉപഭോക്താക്കള്ക്ക് ഇഷ്ടാനുസരണം സബ്സ്ക്രിപ്ഷന് പ്ലാന് തിരഞ്ഞെടുക്കാം. ഇതിനായി വാട്സാപ്പ് സെറ്റിങ്സില് ‘വാട്സാപ്പ് പ്രീമിയം’ എന്ന പേരില് പുതിയ സെക്ഷന് ഉള്പ്പെടുത്തിയിട്ടുണ്ട്. ഓരോ രാജ്യങ്ങളിലും നിരക്കുകളില് വ്യത്യാസമുണ്ടാവും. ലിങ്കുകൾ ഓട്ടോ പ്രതികരണ സംവിധാനം എന്നിങ്ങനെ സൌകര്യങ്ങളുണ്ട്.
