ഉച്ചയ്ക്ക് 12 മണിയോടെ ഒരു വിഭാഗം ഉപഭോക്താക്കളുടെ വാട്സ് ആപ്പ് നിലച്ചു. ഉപഭോക്താക്കള്ക്ക് സന്ദേശം അയക്കാനോ വീഡിയോ കോളിനോ മറ്റോ സാധ്യമാവുന്നില്ല. രാജ്യത്തിന്റെ വിവിധ ഭാഗങ്ങളില് നിന്നായി ഉപഭോക്താക്കൾ പരാതി ഉന്നയിച്ചു. പുതിയ തലമുറ ഫോണിൽ ഉൾപ്പെടെയാണ് പ്രശ്നം.
പഴയ ഫോണുകളിൽ നിർത്തലാക്കിയപ്പോൾ പുതിയവയും അകപ്പെട്ടു
ഐഒഎസ് 10, 11 എന്നിവയിൽ പ്രവർത്തിക്കുന്ന ഫോണുകൾക്ക് ഇന്നു മുതൽ വാട്സ് ആപ്പ് ലഭിക്കാതെ വരുമെന്ന് മുന്നറിയിപ്പുണ്ടായിരുന്നു. പഴയ ഐഫോൺ ഉപയോക്താക്കളിൽ പലർക്കും നേരത്തെ തന്നെ വാട്സ് ആപ്പ് ഇക്കാര്യത്തെ കുറിച്ച് മുന്നറിയിപ്പ് നൽകിയിരുന്നു.
. ഓപ്പറേറ്റിങ് സിസ്റ്റം അപ്ഡേറ്റു ചെയ്യാതെ ഉപയോഗിക്കുന്നവയാണ് ഐഫോണ് 5 എസ്, 6, 6 പ്ലസ് തുടങ്ങിയവ. ഈ മോഡലുകള്ക്കായിരിക്കും പ്രധാനമായും ഈ പ്രശ്നം വരുന്നത്. എന്നാൽ ഇപ്പോൾ ആൻഡ്രോയിഡിലും ഇതേ പ്രശ്നം സംഭവിച്ചിരിക്കയാണ്. ആൻഡ്രോയ്ഡ് വേർഷൻ നാലുവരെയാണ് വാട്സ്ാപ്പ് പ്രവർത്തനം ലഭിക്കില്ലെന്ന് അറിയിച്ചിരുന്നത്. എന്നാൽ ഇപ്പോൾ 10 വരെ വേർഷൻ ഉപയോഗിക്കുന്ന പുതിയ നിര ഫോണുകളിലും പ്രശ്നം സംഭവിച്ചിരിക്കയാണ്.
സാങ്കേതിക പിഴവോ, വിപണിയിലെ വില്പന തന്ത്രമോ
ഇത് വെറും സാങ്കേതിക പിഴവാണ് എന്നാണ് കരുതുന്നത്. എന്നാൽ പഴയ വേർഷനുകളിൽ വാട്സ്ാപ്പ് നിഷേധിച്ചതിന് ഒപ്പം ഓൺലൈൻ സൈറ്റുകൾ വലിയ ഓഫറുകൾ വെച്ചതിന് പിന്നിൽ വില്പന തന്ത്രം സംശയിക്കുന്നവരും ഉണ്ട്.
