ഗുജറാത്തില് തിരഞ്ഞെടുപ്പ് കഴിഞ്ഞാൽ എ എ പി സര്ക്കാര് രൂപീകരിക്കുമെന്ന് അരവിന്ദ് കെജ്രിവാള്. വലിയ പിന്തുണയാണ് പാര്ട്ടിക്കുള്ളതെന്ന് അദ്ദേഹം അവകാശപ്പെട്ടു.
ഗുജറാത്തില് ഇന്ന് തിരഞ്ഞെടുപ്പ് നടന്നാല് എഎഎപി വിജയിക്കും. ആം ആദ്മി വോട്ടുകള് ചോര്ത്താൻ ബിജെപി കോണ്ഗ്രസ് ശ്രമം തുടരുകയാണ്. കോണ്ഗ്രസിനെ ശക്തിപ്പെടുത്തിക്കൊണ്ട് ബിജെപി ഇതര വോട്ടുകള് ഭിന്നിപ്പിക്കുക എന്നാണ് ബിജെപിയുടെ ലക്ഷ്യം, എഎപി വോട്ടുകള് ഭിന്നിപ്പിക്കുകയെന്നാണ് കോണ്ഗ്രസിൻ്റെ അടവ്.
ഔദ്യോഗിക സോഷ്യല് മീഡിയ അക്കൗണ്ടുകളിലൂടെയാണ് കെജ്രിവാളിന്റെ പ്രതികരണം. ഇന്റലിജന്സ് റിപ്പോര്ട്ടിനെ ഉദ്ധരിച്ചാണ് ഈ വിലയിരുത്തൽ എന്നും അദ്ദേഹം പറഞ്ഞു.
ഗുജറാത്തില് കോണ്ഗ്രസിന് 182ല് പത്ത് സീറ്റിലധികം നേടാന് കഴിയില്ല. വിജയിക്കുന്നവര് തന്നെ പിന്നീട് ബിജെപിയില് ചേരും. കോണ്ഗ്രസിന് വോട്ട് ചെയ്യുന്നത് വ്യര്ഥമാണ് എന്നും പറഞ്ഞു.
ഈ വര്ഷം അവസാനമാണ് ഗുജറാത്തില് നിയമസഭാ തിരഞ്ഞെടുപ്പ്. ഡല്ഹിയിലേയും പഞ്ചാബിലേയും വിജയത്തിന് പിന്നാലെ ഗുജറാത്തിലും മേൽകൈ നേടാനുള്ള പോരാട്ടത്തിലാണ് എ എ പി
