ജൂൺ മൂന്നിന് പുറത്തിറങ്ങാനിരിക്കുന്ന കമലാ ഹസൻ നായകനായ വിക്രം വിവാദത്തിൽ. ഇതിലെ കഴിഞ്ഞദിവസം പുറത്തിറങ്ങിയ പത്തല പത്തല എന്ന് തുടങ്ങുന്ന ഗാനത്തിലെ ചില വരികളാണ് ഈ വിവാദത്തിന് കാരണം.
ലിറിക്കൽ വീഡിയോയിൽ വരികൾ എഴുതിയതും ആലപിച്ചതും കമൽ ഹാസൻ തന്നെയാണ്. ഈ വരികളിൽ ചിലത് കേന്ദ്രസർക്കാരിൻ്റെ പരിമിതികളെ ലക്ഷ്യം വെയ്ക്കുന്നതാണെന്നാണ് വിവാദത്തിന് കാരണം.
താരത്തിന്റെ പാർട്ടിയായ മക്കൾ നീതി മയ്യത്തിൻ്റെ കൂടി രാഷ്ട്രീയം പറയുന്നു എന്നാണ് വിമർശനം.
ഖജനാവിൽ പണമില്ല, നിറയെ രോഗങ്ങൾ വരുന്നു. കേന്ദ്ര സർക്കാർ ഉണ്ടെങ്കിലും തമിഴർക്ക് ഒന്നും കിട്ടുന്നില്ല. താക്കോൽ കള്ളൻ്റെ കയ്യിലാണെന്നും പാട്ടിൽ കമൽ പരാമർശിക്കുന്നുണ്ട്. ജനങ്ങൾക്കിടയിലേക്ക് ഇറങ്ങിവന്ന് ജോലി ചെയ്താൽ നാട് നന്നാവുമെന്നും പാട്ടിലുണ്ട്. ഈ വരികൾ കേന്ദ്ര സർക്കാരിനെതിരെയുള്ള തമിഴ് ജനതയുടെ പ്രതിഷേധമാണെന്നാണ് ആരോപണം ഉയരുന്നത്.
ഗാനത്തിനും ഗാനത്തിലെ കമൽ ഹാസന്റെ നൃത്തത്തിനും നിറഞ്ഞ കയ്യടിയാണ് ലഭിച്ചുകൊണ്ടിരിക്കുകയാണ്. യൂട്യൂബിൽ മാത്രം ഒരുകോടിയിലേറേ പേരെയാണ് ഗാനം കാഴ്ചക്കാരായി ഇതുവരെ സമ്പാദിച്ചത്. അനിരുദ്ധ് സംഗീതസംവിധാനവും സാൻഡി നൃത്തസംവിധാനവും നിർവഹിച്ച പാട്ടാണ്.
