പടിഞ്ഞാറന് ഡല്ഹിയിലെ മൂന്നുനില കെട്ടിടത്തിലുണ്ടായ വന്തീപിടിത്തത്തില് നിരവധി പേര് മരിച്ചു. 26 പേരുടെ മൃതദേഹം ഇതുവരെ കണ്ടെടുത്തതായി ഡല്ഹി പോലീസ് അധികൃതര് അറിയിച്ചു. മുപ്പതിലധികം പേര്ക്ക് പൊള്ളലേറ്റ് പരിക്കേറ്റതായാണ് വിവരം.
പടിഞ്ഞാറന് ഡല്ഹിയിലെ മുണ്ട്ക മെട്രോ സ്റ്റേഷന് സമീപമുള്ള വാണിജ്യ കെട്ടിടത്തിലാണ് തീപിടിത്തമുണ്ടായത്. എഴുപതോളം പേരെ കെട്ടിടത്തില് നിന്ന് രക്ഷപ്പെടുത്തിയെന്നാണ് റിപ്പോര്ട്ടുകള്. രാജ്യ തലസ്ഥാനത്ത് ഇത്തരം ഒരു ദുരന്തം അപമാനകരമായി.
വൈകീട്ട് അഞ്ചു മണിയോടെയാണ് തീപിടിത്തം സംബന്ധിച്ച് ആദ്യ വിവരം ലഭിച്ചതെന്നാണ് അഗ്നിശമനസേനാംഗങ്ങള് അറിയിക്കുന്നത്.
കൂടുതല് പേര് കെട്ടിടത്തില് കുടുങ്ങികിടക്കുന്നതായി സൂചനകളുണ്ട്. തിരച്ചിലും രക്ഷാപ്രവവര്ത്തനവും തുടരുകയാണ്. നിരവധി കമ്പനികളുടെ ഓഫീസുകളാണ് കെട്ടിടത്തില് പ്രവര്ത്തിച്ചിരുന്നതെന്നാണ് പ്രാഥമിക റിപ്പോര്ട്ടുകള്.
തീ നിലവില് നിയന്ത്രണവിധേയമാക്കിയിട്ടുണ്ടെന്നാണ് വിവരം.
