ലഹരിക്കെതിരേ ബോധവൽക്കരണ സന്ദേശവുമായി പുതുവത്സര മാരത്തോൺ

ജെ സി ഐ പുതിയ നിരത്തിൻ്റെയും പയ്യോളി റണ്ണേഴ്സ് ക്ലബ്ബിൻ്റെയും ആഭിമുഖ്യത്തിൽ “പുതുവത്സരത്തെ വരവേൽക്കാൻ 23 കിലോമീറ്റർ മാരത്തോൺ സംഘടിപ്പിച്ചു. -move beyond the past ” എന്ന സന്ദേശമുയർത്തി പയ്യോളി ഹയർ സെക്കണ്ടറി സ്കൂൾ മൈതാനിയിൽ നിന്നും ആരംഭിച്ചു. രാവിലെ 5 മണിക്ക് തിക്കോടി ഗ്രാമ പഞ്ചായത്ത് സ്റ്റാന്റിങ്ങ് കമ്മറ്റി ചെയർമാൻ വിശ്വൻ തിക്കോടി , ജെ സി ഐ പുതിയനിരത്ത് പ്രസിഡണ്ട് ശ്രീനേഷ് എന്നിവർ ഫ്ലാഗ് ഓഫ് ചെയ്തു.
കാപ്പാട് ബീച്ചിൽ സമാപന മീറ്റ് ജില്ലാ ചൈൽഡ് ലൈൻ കോ ഓർഡിനേറ്റർ അഫ്സൽ ഉത്ഘാടനം ചെയ്തു. ജെ സി ഐ പ്രസിഡണ്ട് ശ്രീ നേഷ് മാസ്റ്റർ അദ്ധ്യക്ഷത വഹിച്ചു. ലഹരിക്കെതിരേ വ്യായാമമാണ് ലഹരി എന്ന സന്ദേശം കൈമാറി. ജെ കോം വടകര ടേബിൾ ചെയർമാൻ രബിലാഷ്, കാലിക്കറ്റ് റോയൽ റണ്ണേഴ് ക്ലബിനു വേണ്ടി വിഷ്ണു ടി.പി. , കാപ്പട് ബീച്ച് ഫിറ്റ്നസ് ക്ലബിനു വേണ്ടി യൂനസ് എന്നിവർ ആശംസകൾ അറിയിച്ചു. ജെസിഐ സെക്രട്ടറി അബ്ദുൾ മനാഫ് സ്വാഗതം പറഞ്ഞു. പയ്യോളി റണ്ണേഴ്സ് ക്ലബ്ബിനു വേണ്ടി പ്രേം ജിത് മാസ്റ്റർ നന്ദി പറഞ്ഞു.