അനിൽ ആന്റണിയുടെ ബിജെപി പ്രവേശനത്തിൽ ആദ്യമായി പ്രതികരിച്ച് മാതാവ് എലിസബത്ത് ആന്റണി. അനിൽ ആന്റണിയുടെ രാഷ്ട്രീയ രാഷ്ട്രീയ കാഴ്ചപ്പാട് ഉൾകൊള്ളുന്നുവെന്ന് പറഞ്ഞ അവർ മകന് ബിജെപിയിലൂടെ നിരവധി അവസരങ്ങൾ ലഭിക്കുമെന്നും അവകാശപ്പെട്ടു. എ.കെ ആന്റണി പ്രാർത്ഥനയിലൂടെ ആത്മവിശ്വാസവും ആരോഗ്യവും വീണ്ടെടുത്തായും അവർ പറഞ്ഞു. കൃപാസനം യു ട്യൂബ് ചാനലിൽ അനുഭവ സാക്ഷ്യമായാണ് മുതിർന്ന കോൺഗ്രസ് നേതാവ് എ കെ ആൻ്റണിയുടെ പത്നി എലിസബത്ത് ആന്റണിയുടെ വാക്കുകൾ.
മകൻ അനിൽ ആന്റണി ബി.ജെ.പിയിൽ ചേർന്നത് താൻ ആലപ്പുഴ കലവൂരിലെ കൃപാസനം ധ്യാന കേന്ദ്രത്തിൽ പ്രാർഥിച്ചതിനാലാണെന്നും അതോടെ തനിക്ക് ബി.ജെ.പിയോടുള്ള എല്ലാ അറപ്പും വെറുപ്പും ദേഷ്യവും തീർന്നതായും അമ്മ എലിസബത്ത് ആന്റണി. പ്രാർത്ഥന വഴിയാണ് തനിക്ക് മകന്റെ ഈ പുതിയ രാഷ്ട്രീയത്തെ അംഗീകരിക്കാനായതെന്നും , ഇതിൽ ഒരു പുരോഹതൻ്റെ ഉപദേശത്തിൻ്റെ പങ്കും എലിസബത്ത് പറയുന്ന വിഡിയോ കൃപാസനം യൂട്യൂബ് ചാനൽ പ്രസിദ്ധീകരിച്ചു.
എന്റെ ഭർത്താവ് അവിശ്വാസിയാണ്. ആ അവിശ്വാസം പരിഹരിച്ച് എന്റെ ഭർത്താവിന്റെ കാലിന് സ്വാധീനം കൊടുത്തു. രാഷ്ട്രീയത്തിൽ ആത്മവിശ്വാസം നഷ്ടപ്പെട്ട് ഇരിക്കുന്ന അവസ്ഥയും മാറി. അദ്ദേഹത്തെ സഹായിക്കണമെന്ന് ഞാൻ പ്രാർത്ഥിച്ചു. ഈ കഴിഞ്ഞ 15-ാം തിയതി അത്ഭുതകരമാം വിധം വീണ്ടും വർക്കിംഗ് കമ്മിറ്റിയിലേക്ക് തെരഞ്ഞെടുക്കപ്പെട്ടപ്പോൾ അദ്ദേഹം സ്വീകരിച്ചു. തനിയെ യാത്ര ചെയ്ത് ആത്മവിശ്വാസത്തോടെ പോയി’- എലിസബത്ത് ആന്റണി പ്രാർഥനയുടെ അനുഭവ സാക്ഷ്യം പറഞ്ഞു.
മകന്റെ ഏറ്റവും വലിയ സ്വപ്നമായിരുന്നു രാഷ്ട്രീയ പ്രവേശനം. മക്കൾ രാഷ്ട്രീയത്തിനെതിരെ ചിന്തൻ ശിബിരത്തിൽ പ്രമേയം പാസാക്കിയിരുന്നു. ഇതോടെ മകന് രാഷ്ട്രീയ പ്രവേശനം സാധ്യമാകില്ലായിരുന്നുവെന്നും എലിസബത്ത് ആന്റണി പറഞ്ഞു. ഇതാണ് ബി ജെ പിയിൽ അവസരം തേടിയത് എന്നാണ് വ്യക്തമാക്കുന്നത്. എകെ ആന്റണി അറിയും മുമ്പ് അനിൽ ആന്റണി ബിജെപിയിൽ ചേരുന്ന കാര്യം തനിക്ക് അറിയാമായിരുന്നെന്നും എലിസബത്ത് സൂചിപ്പിക്കുന്നു.
ജോലി ഉപേക്ഷിച്ചത് രാഷ്ട്രീയത്തിൽ ജോയിൻ്റ് ചെയ്യാനുള്ള ആഗ്രഹത്താൽ
‘രാഷ്ട്രീയത്തിൽ ജോയിൻ ചെയ്യണമെന്ന് എന്റെ മകന്റെ വലിയ ആഗ്രഹമായിരുന്നു. പഠനമെല്ലാം കഴിഞ്ഞ് വിദേശത്ത് നല്ല ജോലി കിട്ടയതാ. പക്ഷേ രാഷ്ട്രീയത്തിൽ താത്പര്യമുള്ളതുകൊണ്ട് തിരിച്ചുവന്നു. എന്നാൽ മക്കള് രാഷ്ട്രീയത്തിനെതിരായി ചിന്തൻ ശിബിരത്തിൽ പ്രമേയത്തിൽ പാസാക്കി. അതായത് എന്റെ മക്കൾ എത്രയൊക്കെ ആഗ്രഹിച്ചാലും രാഷ്ട്രീയത്തിൽ പ്രവേശിക്കാൻ പറ്റില്ലെന്ന് മനസിലായി. എന്റെ ഭർത്താവാണെങ്കിൽ മക്കളെ രാഷ്ട്രീയത്തിലേക്ക് കൊണ്ടുവരാൻ വേണ്ടി പരിശ്രമിക്കുകയോ ഒന്നുമില്ല’ – എലിസബത്ത് ആന്റണി പറഞ്ഞു.
താൻ കോൺഗ്രസിൽ അടിയുറച്ച് നിൽക്കുമെന്നും എന്നാൽ മകന്റെ തീരുമാനം ഉൾക്കൊള്ളുന്നുവെന്നും എലിസബത്ത് ആന്റണി വ്യക്തമാക്കി. കൃപാസനം യൂട്യൂബ് ചാനലിലൂടെയായിരുന്നു പ്രതികരണം.
ആന്റണിയെ ബിജെപി ദേശീയ വക്താവായി നേരത്തെ നിയമിച്ചിരുന്നു. പ്രധാനമന്ത്രി നരേന്ദ്രമോദിയുടെ പ്രത്യേക താത്പര്യപ്രകാരമാണ് അനില് ആന്റണി ബിജെപിയിലെത്തിയതെന്ന് നേരത്തെ റിപ്പോര്ട്ടുകള് വന്നിരുന്നു. കൊച്ചിയിൽ പ്രധാനമന്ത്രിയുടെ യുവാക്കളുമായുള്ള സംവാദ പരിപാടിയായ ‘യുവം’ സമ്മേളനത്തില് അനില് ആന്റണി മുൻനിരയിൽ ഇടം പിടിച്ചിരുന്നു.
പുരോഹിതൻ പറഞ്ഞു അവൻ ബിജെപിയിൽ ചേരട്ടെ, എലിസബത്ത് ആൻ്റണിയുടെ വാക്കുകൾ
‘‘രാഷ്ട്രീയത്തിൽ ജോയിൻ ചെയ്യണമെന്ന് എന്റെ മകന്റെ വലിയ ആഗ്രഹമായിരുന്നു. പഠനമെല്ലാം കഴിഞ്ഞ് വിദേശത്ത് നല്ല ജോലി കിട്ടിയതാ. പക്ഷേ രാഷ്ട്രീയത്തിൽ താത്പര്യമുള്ളതുകൊണ്ട് തിരിച്ചുവന്നു. മകന് രാഷ്ട്രീയത്തിൽ പ്രവേശിക്കാൻ ഞാൻ (കൃപാസനത്തിൽ) നിയോഗം വെച്ചു. എന്നാൽ, മക്കൾരാഷ്ട്രീയത്തിനെതിരായി ചിന്തൻ ശിബിരത്തിൽ പ്രമേയം പാസാക്കി. അതായത് എന്റെ മക്കൾ എത്രയൊക്കെ ആഗ്രഹിച്ചാലും രാഷ്ട്രീയത്തിൽ പ്രവേശിക്കാൻ പറ്റില്ലെന്ന് മനസിലായി. എന്റെ ഭർത്താവാണെങ്കിൽ മക്കളെ രാഷ്ട്രീയത്തിലേക്ക് കൊണ്ടുവരാൻ വേണ്ടി പരിശ്രമിക്കുകയോ ഒന്നുമില്ല. പ്രാർഥനക്ക് പിന്നാലെ മകൻ അനിൽ വിളിച്ച് പറഞ്ഞു: അമ്മേ എന്നെ പ്രധാനമന്ത്രിയുടെ ഓഫിസിൽനിന്ന് വിളിച്ചുവെന്നും ബി.ജെ.പിയിൽ ചേരാൻ പറയുന്നുണ്ട് എന്നും. ബി.ജെ.പിയിൽ ചേർന്നാൽ ഒരുപാട് അവസരം ഉണ്ടാകുമെന്നും പറഞ്ഞു. എന്നാൽ, നമ്മൾ വിശ്വസിക്കുന്നത് കോൺഗ്രസ് പാർട്ടിയിലാണ്. നമ്മൾ ജീവിച്ചതും ആ പാർട്ടിയിലാണ്. ബി.ജെ.പിയിലേക്ക് പോകുന്ന കാര്യം ആലോചിക്കാൻ വയ്യ. ഞാൻ ഇവിടെ വന്ന് പരിശുദ്ധ അമ്മയോട് ആലോചനയ്ക്കായി ബഹുമാനപ്പെട്ട ജോസഫച്ചന്റെയടുത്ത് തുണ്ടുകൊടുത്തു. അച്ചൻ അമ്മയുടെ കാൽക്കൽ തുണ്ടുവെച്ച് പ്രാർഥിച്ചിട്ട് പറഞ്ഞു: മകനെ തിരിച്ച് കോൺഗ്രസിലേക്ക് കൊണ്ടുവരാൻ ശ്രമിക്കണ്ട, അവന് അവിടെ നല്ല അവസരമുണ്ടെന്ന്. അതോടെ അമ്മ എന്റെ മനസ്സ് മാറ്റിത്തന്നു. എനിക്ക് ബി.ജെ.പിയോടുള്ള എല്ലാ അറപ്പും വെറുപ്പും ദേഷ്യവും മാറ്റി എനിക്ക് പുതിയ ഹൃദയം തന്നു ’ – എലിസബത്ത് ആന്റണി കൃപാസനത്തിൽ സാക്ഷ്യം പറഞ്ഞു.
‘എന്റെ ഭര്ത്താവ് അവിശ്വാസിയാണ്. അത് പരിഹരിച്ച് ഭര്ത്താവിന്റെ കാലിന് സ്വാധീനം കൊടുക്കണമെന്ന് പ്രാർഥിച്ചു. അദ്ദേഹം രാഷ്ട്രീയത്തില് ആത്മവിശ്വാസം നഷ്ടപ്പെട്ട് വിരമിച്ചിരിക്കുകയാണ്. എനിക്കും മക്കള്ക്കും അദ്ദേഹത്തിന്റെ ഈ അവസ്ഥ സഹിക്കാന് കഴിയുന്നതായിരുന്നില്ല. അങ്ങനെ ഞാന് പ്രാര്ത്ഥിച്ചു. എന്തായാലും ഈ പതിനഞ്ചാം തീയതി അത്ഭുതകരമാം വിധം വീണ്ടും വര്ക്കിംഗ് കമ്മിറ്റിയിലേക്ക് തിരഞ്ഞെടുക്കപ്പെട്ടു. അത് സ്വീകരിച്ചു. പിന്നീട് ആത്മവിശ്വാസം തിരിച്ചുവന്നു. തനിയെ യാത്ര ചെയ്തു. 15 ാം തിയ്യതി ഹൈദരാബാദിലെ വര്ക്കിംഗ് കമ്മിറ്റിയില് തനിയെ യാത്ര ചെയ്ത് പോയി തിരിച്ചെത്തി’ -എലിസബത്ത്
