കുവൈത്തില് അഞ്ച് മുതല് 11 വയസ്സ് വരെയുള്ള കുട്ടികൾക്കും കോവിഡ് വാക്സിൻ നൽകി തുടങ്ങി. രജിസ്റ്റര് ചെയ്തിട്ടുള്ള എല്ലാ കുട്ടികള്ക്കും വാക്സിനേഷന് നല്കുന്നതാണെന്നും കുട്ടികളുടെ ആരോഗ്യവും സുരക്ഷയും ഉറപ്പ് വരുത്തുമെന്നും അധികൃതര് അറിയിച്ചു.
ഇതിനകം 15,000 കുട്ടികള്ക്ക് കോവിഡ് ബാധിച്ചതായി ആരോഗ്യ മന്ത്രാലയ വിദഗ്ദ്ധ സമിതി അംഗം ഡോ. മുഹമ്മദ് അല്-ഗുനൈം പറഞ്ഞു. ഏഴ് മരണങ്ങളാണ് ഇതുവരെ റിപ്പോര്ട്ട് ചെയ്തത്. എല്ലാ പ്രായത്തിലുമുള്ള കുട്ടികൾക്കും കൊറോണ അണുബാധയും രോഗ പകർച്ചയും ഉണ്ടാവുന്നുണ്ട്. എന്നാല് ഭൂരിഭാഗം കുട്ടികളും രോഗലക്ഷണങ്ങള് കാണിക്കുന്നില്ലെന്നും അദ്ദേഹം കൂട്ടിച്ചേര്ത്തു.
