ഇംഗ്ലീഷ് വനിതാ ക്രിക്കറ്റ് താരങ്ങളായ കാതറീന് ബ്രണ്ടും നാറ്റ് സ്കീവറും വിവാഹിതരായി. മുന് ഇംഗ്ലണ്ട് പേസര് ഇസ ഗുഹ ഇന്സ്റ്റാഗ്രാം അക്കൗണ്ടില് ഇരുവരുടെയും വിവാഹ ചിത്രം പങ്കുവെച്ചു. ട്വിറ്ററിലൂടെ ഇരുവരേയും ഇംഗ്ലണ്ട് ക്രിക്കറ്റ് സമിതിയും ഔദ്യോഗികമായി അഭിനന്ദനം അറിയിച്ചു.
2017 ലോകകപ്പ് ജേതാക്കളായ ടീമിലെ അംഗങ്ങളാണ് ഇരുവരും. രണ്ടുപേരും തമ്മില് അഞ്ചു വര്ഷത്തെ പ്രണമുണ്ട്. 2019 ഒക്ടോബറിലായിരുന്നു വിവാഹ നിശ്ചയം. 2020 സെപ്റ്റംബറില് വിവഹം നടത്താനായിരുന്നു നേരത്തെ നിശ്ചയിച്ചിരുന്നത്. എന്നാല് കോവിഡ് കാരണം നീട്ടിവെക്കുകയായിരുന്നു.
ദക്ഷിണ ആഫ്രിക്കയുടെ മരിസാന് കാപ്പ്-ഡെയിന് വാന് നീകെര്ക്ക്, ന്യൂസിലന്ഡിന്റെ അമി സാറ്റര്ത്ത്വെയ്റ്റ്- ലിയ തഹുഹു എന്നിങ്ങനെ ക്രിക്കറ്റ് കളത്തിലെ സ്വവര്ഗ ദമ്പതികളുടെ പട്ടികയില് ഉള്പ്പെട്ടിരിക്കുകയാണിപ്പോള് കാതറീന് ബ്രണ്ടും നാറ്റ് സ്കീവറും.
