നടിയെ ബലാത്സംഗം ചെയ്ത കേസില് വിജയ് ബാബുവിന് മുന്കൂര് ജാമ്യം നല്കിയ ഹൈക്കോടതി വിധിയ്ക്കെതിരേ സര്ക്കാര് സുപ്രീം കോടതിയിലേക്ക്.
പ്രതി വിവാഹിതനായതിനാല് വിവാഹ വാഗ്ദാനം നല്കി എന്ന് പറയാനാകില്ല. നടി ഒരിക്കലും ഇയാളുടെ തടവിലായിരുന്നില്ല. നടിയും വിജയ് ബാബുവും തമ്മിൽ ഇന്സ്റ്റാഗ്രാമിലും മറ്റും ചാറ്റുകള് നടത്തിയിട്ടുണ്ട്. ഇവര് തമ്മിലുള്ള സംഭാഷണങ്ങള് ഗാഢമായ ബന്ധം സൂചിപ്പിക്കുന്നതാണ്. അതിലൊന്നും ലൈംഗികാതിക്രമത്തെക്കുറിച്ച് സൂചിപ്പിക്കുന്നില്ല എന്നതായിരുന്നു കോടതിയുടെ നിരീക്ഷണം.
നിയമവദഗ്ധരും അങ്കലാപ്പിൽ
മുന്കൂര് ജാമ്യം നല്കിയതുമായി ഹൈക്കോടതി നടത്തിയ നിരീക്ഷണത്തില് പ്രോസിക്യൂഷന് കടുത്ത അതൃപ്തിയുണ്ട്.
നിയമവിദഗ്ധരും സോഷ്യൽ മീഡിയയും വിധിക്ക് എതിരെ കടുത്ത ആശങ്ക പങ്കു വെക്കുന്നുണ്ട്. കോടതി അതിജീവിതയുടെ ഭാഗത്ത് നിന്നല്ല ചിന്തിക്കുന്നത് എന്ന നിലയ്ക്കാണ് വിലയിരുത്തൽ.
