ചാർജ് ചെയ്യുമ്പോൾ ബാറ്ററി പൊട്ടിത്തെറിച്ചു, കോഴിക്കോട് ബൈക്കുകൾ കത്തി നശിച്ചു

കോഴിക്കോട് നഗരത്തിൽ ഇലക്ട്രിക് സ്കൂട്ടർ ഷോറൂമിൽ തീപിടിത്തം. വയനാട് റോഡിലെ ഷോറൂമിലാണ് തീപിടിത്തം ഉണ്ടായത്. ചാർജ് ചെയ്യുന്നതിനിടെ ബാറ്ററി പൊട്ടിത്തെറിച്ചായിരുന്നു അപകടമെന്നാണ് വിവരം.

അപകടത്തിൽ 10 സ്കൂട്ടറുകൾ കത്തിനശിച്ചു. അഗ്നിശമനസേന എത്തി തീയണച്ചു

ഓഗസ്റ്റ് നാലിന് മലാപറമ്പിലെ മൊബൈൽ ഷോപ്പിലും ബാറ്ററി പൊട്ടിത്തെറിച്ച് അപടമുണ്ടായിരുന്നു. കട കത്തി നശിച്ചതിനാൽ നാല് ലക്ഷം രൂപയുടെ നാശനഷ്ടം ഉണ്ടായി.