ഇലക്ട്രിക് ഇരുചക്രവാഹനം ചാര്ജുചെയ്യുന്നതിനിടെ ബാറ്ററി പൊട്ടിത്തെറിച്ച് സ്കൂട്ടറുകള് കത്തിനശിച്ച സംഭവത്തിൽ 14 ലക്ഷത്തിൻ്റെ നാശ നഷ്ടം. കോഴിക്കോട് വയനാട് റോഡില് ജില്ലാ മൃഗാശുപത്രിക്ക് സമീപമുള്ള എക്സെര് മോട്ടോഴ്സിന്റെ ഉടമസ്ഥതയിലുള്ള ഷോറൂമിലാണ് ബുധനാഴ്ച രണ്ടുമണിയോടെ സംഭവം. ഉച്ച സമയത്ത് ആയതിനാൽ ജീവനക്കാർ എല്ലാം ഭക്ഷണം കഴിക്കാനായി പുറത്തായിരുന്നു. ഇതിനാൽ ആളപായം ഉണ്ടായില്ല.
കൂടെ നിര്ത്തിയിട്ടിരുന്ന 10 സ്കൂട്ടറുകള് പൂര്ണമായും കത്തിനശിച്ചു. രണ്ടുലക്ഷം രൂപ വിലവരുന്ന അഞ്ചു സ്കൂട്ടറുകളും 75,000 രൂപ വിലവരുന്ന അഞ്ചു സ്കൂട്ടറുകളുമാണ് കത്തിനശിച്ചത്. 14 ലക്ഷത്തോളം രൂപയുടെ നഷ്ടം കണക്കാക്കുന്നതായി ഫയർ ആൻ്റ് റെസ്ക്യു വിഭാഗം പറഞ്ഞു.
സര്വീസിനായി കൊണ്ടുവന്ന സ്കൂട്ടര് ഗോഡൗണില് ചാര്ജുചെയ്യുന്നതിനിടെ ബാറ്ററി പൊട്ടിത്തെറിച്ച് അടുത്തുനിര്ത്തിയിട്ടിരുന്ന മറ്റുവാഹനങ്ങളിലേക്കും തീപടരുകയായിരുന്നെന്ന് സേനാംഗങ്ങൾ പറഞ്ഞു. 12 വണ്ടികളാണ് ഇവിടെയുണ്ടായിരുന്നത്. രണ്ടെണ്ണം ഭാഗികമായും നശിച്ചു.
