വാഹനങ്ങളുമായി ബന്ധപ്പെട്ട 58 സേവനങ്ങള് ഇനി ഓണ്ലൈൻ വഴി ലഭിക്കും. വാഹന രജിസ്ട്രേഷന്, ഡ്രൈവിങ്ങ് ലൈസന്സ് വാഹന കൈമാറ്റം എന്നിങ്ങനെ ബന്ധപ്പെട്ട സേവനങ്ങളിൽ മിക്കതും ഓൺലൈനായി ചെയ്യാം. ആധാര് അധിഷ്ഠിതമായാണ് ഈ സേവനങ്ങള് ലഭിക്കുക.
കേന്ദ്ര ഗതാഗത മന്ത്രാലയം പുറത്തിറക്കിയിട്ടുള്ള വിജ്ഞാപനത്തില് 58 സേവനങ്ങൾ ലിസ്റ്റ് ചെയ്തിട്ടുണ്ട്. അഴിമതിയും കൈക്കൂലിയും തുടർച്ചയായി വകുപ്പായി മാറുന്ന സാഹചര്യത്തിലാണ് ഓൺ ലൈൻ സൌകര്യങ്ങൾ വ്യാപകമാനവുന്നത്.
parivahan.gov.in എന്ന വെബ്സൈറ്റ് വഴിയോ mParivahan മൈബൈല് ആപ്പ് വഴിയോ ആണ് ഈ ഒാണ്ലൈന് സേവനങ്ങള് ലഭ്യമാക്കുന്നത്. ആധാര് നമ്പര് നല്കി ഒ.ടി.പി. ലഭിക്കുന്നതോടെ അപേക്ഷാ നടപടികൾ പൂർത്തിയാക്കാം.
വാഹനവുമായും ലൈസന്സുമായി ബന്ധപ്പെട്ട സേവനങ്ങള്ക്കായി വാഹന്-സാരഥി പോര്ട്ടലുകള് ആരംഭിച്ചിരുന്നു. എന്നാൽ ഇവയുടെ പ്രവർത്തനം വ്യാപകമായ പരാതികൾക്ക് ഇടവെച്ചിരുന്നു. ഓൺലൈൻ സംവിധാനങ്ങൾ ഏർപ്പെടുത്തിയതിലെ സാങ്കേതിക പിഴവാണ് പരാതിക്ക് ഇടയാക്കിയത്.
ലേണേഴ്സ് ലൈസന്സ് ലഭിക്കുന്നതിനുള്ള അപേക്ഷ, ലേണേഴ്സ്/ ഡ്രൈവിങ്ങ് ലൈസന്സിലെ പേര്, മേല്വിലാസം, ഫോട്ടോ, ഒപ്പ്, ബയോമെട്രിക്സ് എന്നിവ മാറ്റല്, ഡ്യൂപ്ലിക്കറ്റ് ലേണേഴ്സ് ലൈസന്സ്/ ഡ്രൈവിങ്ങ് ലൈസന്സ് അപേക്ഷ, ഡ്രൈവിങ്ങ് ടെസ്റ്റ് ആവശ്യമില്ലാത്ത ലൈസന്സ് പുതുക്കലുകള്, നിലവിലെ ലൈസന്സ് പകരം പുതിയത് എടുക്കല്, ബാഡ്ജ്, കണ്ടക്ടര് ലൈസന്സ് പുതുക്കല്, കണ്ടക്ടര് ലൈസന്സിലെ വിവരങ്ങള് മാറ്റല് എന്നീ സേവനങ്ങളാണ് ലൈസന്സുമായി ബന്ധപ്പെട്ട് ഓണ്ലൈനില് ആക്കിയിട്ടുള്ളത്.
വാഹനവുമായി ബന്ധപ്പെട്ട് താത്കാലിക രജിസ്ട്രേഷനും സ്ഥിരം രജിസ്ട്രേഷനും, രജിസ്ട്രേഷന് സര്ട്ടിഫിക്കറ്റ് ഫീസ് അടയ്ക്കല്, രജിസ്ട്രേഷനുള്ള എന്.ഒ.സി, ആര്.സി. ബുക്കിലെ വിലാസം മാറ്റല്, വാഹനത്തിന്റെ ഉടമസ്ഥാവകാശം മാറ്റല്, പുതിയ പെര്മിറ്റ്, ഡ്യൂപ്ലിക്കേറ്റ് പെര്മിറ്റ് അപേക്ഷ, പെര്മിറ്റ് സറണ്ടര്, താത്കാലിക പെര്മിറ്റ്, ഡ്യുപ്ലിക്കേറ്റ് ഫിറ്റ്നെസ് സര്ട്ടിഫിക്കറ്റ് തുടങ്ങിയ വാഹനവുമായി ബന്ധപ്പെട്ട സേവനങ്ങളും ഓണ്ലൈനായി ലഭ്യമാക്കുമെന്നാണ് റിപ്പോര്ട്ട്.
