ലഫ്റ്റനന്റ്‌ ജനറല്‍ അനില്‍ ചൗഹാന്‍ ഇന്ത്യയുടെ പുതിയ സംയുക്ത സൈനിക മേധാവി (CDS – ചീഫ് ഓഫ് ഡിഫൻസ് സ്റ്റാഫ്) ആകും. രാജ്യത്തെ ആദ്യ സി.ഡി.എസ്. ബിപിന്‍ റാവത്ത് ഹെലികോപ്റ്റര്‍ അപകടത്തില്‍ കുനൂരിൽ കൊല്ലപ്പെട്ടു. ഇതിനെ തുടര്‍ന്ന്ഒമ്പത് മാസത്തെ ഇടവേളയ്ക്ക് ശേഷമാണ് പുതിയ നിയമനം.
കഴിഞ്ഞ വര്‍ഷം ഡിസംബറില്‍ തമിഴ്‌നാട്ടില്‍ വെച്ച് നടന്ന ഹെലികോപ്റ്റര്‍ അപകടത്തില്‍ ബിപിന്‍ റാവത്തും ഭാര്യയുമടക്കം 13 പേരാണ് മരിച്ചത്.
കര-വ്യോമ-നാവിക സേനകളുടെ പ്രവര്‍ത്തനം ഏകോപിപ്പിക്കുന്നതിന് 2020-ജനുവരിയിലാണ് ബിപിന്‍ റാവത്തിനെ രാജ്യത്തിൻ്റെ ആദ്യ സംയുക്ത സേനാ മേധാവിയായി നിയമിച്ചത്.
ലഫ്റ്റനന്റ്‌ ജനറല്‍ അനില്‍ ചൗഹാന്‍ ഈസ്റ്റേൺ കമാൻ്റിലെ കമാൻ്റിങ് ഇൻ ചീഫ് ജനറൽ പദവിയിൽ നിന്നും വിരമിച്ച ഉദ്യോഗസ്ഥനാണ്. സി ഡി എസ് പദവിയിൽ എത്തുന്ന രണ്ടാമത്തെ വ്യക്തിയാണ്. സൈനിക കാര്യ വകുപ്പ് സെക്രട്ടറി സ്ഥാനവും ഇദ്ദേഹത്തിനു തന്നെയായിരിക്കും.
