നിയമ നീതി വ്യവസ്ഥയിൽ സമയബന്ധിതമായി പരിഹാരം കാണുന്നതിന് പരമ പ്രാധാന്യമുണ്ടെന്ന് പ്രധാനമന്ത്രി നരേന്ദ്ര മോഡി.നീതി വൈകിക്കുന്നത് അനീതിയാണ്. നിയമ മന്ത്രിമാരുടെ യോഗത്തിൽ സംസാരിക്കുകയായിരുന്നു പ്രധാനമന്ത്രി. നല്ല നിയമങ്ങളുടെ പ്രയോജനം പാവങ്ങൾക്കും ലഭ്യമാക്കണം അദ്ദേഹം പറഞ്ഞു
കൊളോണിയൽ നിയമങ്ങൾ ഇല്ലതാക്കേണ്ടത് പ്രധാനമാണ്. കാലഹരണപ്പെട്ട നിയമങ്ങൾ റദ്ദാക്കി തുടങ്ങിയതായും ഇതിനായി കഴിഞ്ഞ് എട്ട് വർഷമായി വിശ്രമമില്ലാതെ നടപടികൾ സ്വീകരിച്ചതായും മോഡി പറഞ്ഞു. എന്നാൽ ചില സംസ്ഥാനങ്ങൾ ഇപ്പോഴും കൊളോണിയൽ നിയമങ്ങൾ തുടരുകയാണ് എന്നും പറഞ്ഞു
കേസുകളിൽ നീതി വൈകുന്നത് വലിയ വെല്ലുവിളിയാണ്. തർക്കങ്ങളിൽ പ്രശ്ന പരിഹാരം പെട്ടെന്ന് ഉണ്ടാകണം. സാങ്കേതിക വിദ്യ നിയമവ്യവസ്ഥയുടെ അനിവാര്യ ഘടകമായി കഴിഞ്ഞു, 5g വരുന്നതോടെ ഇത് കൂടുതൽ ശക്തമാക്കും.
നീതി നിർവഹണത്തിൽ പ്രാദേശിക ഭാഷകൾക്ക് നിർണായക സ്വാധീനം ഉണ്ട്. നിയമങ്ങൾ പ്രാദേശിക ഭാഷയിൽ ആയാൽ സാധാരണക്കാർക്ക് എളുപ്പത്തിൽ മനസ്സിലാകുമെന്നും നരേന്ദ്ര മോഡി വിശദീകരിച്ചു.
