പ്രോജക്ട് കെ എന്ന സിനിമയുടെ ചിത്രീകരണത്തിനിടെ സംഭവിച്ച അപകടത്തിന് ശേഷം തൻ്റെ ആരോഗ്യ വിവരങ്ങൾ ബ്ലോഗിൽ പങ്കുവെച്ച് നടന് അമിതാഭ് ബച്ചന്. വാരിയെല്ലിൽ പൊട്ടലും വേദനയുമുണ്ടെന്ന് അദ്ദേഹം അറിയിച്ചു.
അപകടത്തേക്കുറിച്ചുള്ള വിവരങ്ങള് പങ്കുവെയ്ക്കേണ്ടിയിരിക്കുന്നുവെന്ന് അമിതാഭ് ബച്ചന് ബ്ലോഗിലെഴുതി. ഹൈദരാബാദില് പ്രോജക്റ്റ് കെ എന്ന ചിത്രത്തിന്റെ സംഘട്ടനരംഗം ചിത്രീകരിക്കുന്നതിനിടെയുണ്ടായ അപകടത്തില് പരിക്കുപറ്റിയെന്ന് അദ്ദേഹം വാർത്തകൾ ശരിവെച്ചു. വാരിയെല്ലിന്റെ തരുണാസ്ഥിക്കും വലത് വാരിയെല്ലിലെ പേശികള്ക്കും പൊട്ടലുണ്ട്. ഷൂട്ട് റദ്ദാക്കി. ഹൈദരാബാദിലെ എഐജി ഹോസ്പിറ്റലില് വെച്ച് ഡോക്ടര് പരിശോധിച്ച് സിടി സ്കാന് ചെയ്ത് വീട്ടിലേക്ക് പോയെന്നും വ്യക്തമാക്കി.
വിശ്രമിക്കുകയാണ്. ആരോഗ്യം പഴയപോലെയാകുന്നതിന് കുറച്ച് ആഴ്ചകളെടുക്കും. വേദനയ്ക്ക് മരുന്ന് കഴിക്കുന്നുണ്ട്. അതിനാല് ചെയ്യേണ്ടിയിരുന്ന എല്ലാ ജോലികളും രോഗശാന്തിയാകുന്നതുവരെ താത്ക്കാലികമായി നിര്ത്തിവെച്ചിരിക്കുകയാണ്. വസതിയായ ജല്സയില് വിശ്രമത്തിലാണ്. അതുകൊണ്ട് വൈകീട്ട് ജല്സാ ഗേറ്റിലെത്തുന്ന അഭ്യുദയകാംക്ഷികളെ കാണാന് സാധിക്കുകയില്ല. ശരീരം ചലിപ്പിക്കുമ്പോഴും ശ്വസിക്കുമ്പോഴും വേദന തോന്നുന്നുണ്ട്. ഇനിയും കാണാം എന്നും ” ബച്ചന് കൂട്ടിച്ചേര്ത്തു.
പ്രഭാസ്, ദിഷ പാഠനി, ദീപിക പദുകോണ് എന്നിവരാണ് ‘ പ്രോജക്ട് കെ’യില് പ്രധാന വേഷത്തിലെത്തുന്ന മറ്റുതാരങ്ങള്. നാഗ് അശ്വിന് സംവിധാനം ചെയ്യുന്ന ചിത്രം ബിഗ് ബജറ്റ് ആക്ഷന് ത്രില്ലറാണ്.
