റോഡുകളിലെ നിലവിലെ സ്ഥിതി എ.ഐ ക്യാമറയുടെ സഹായത്തോടെ നിരീക്ഷിക്കാനാകുമോ എന്ന് ആരാഞ്ഞ് ഹൈക്കോടതി. റോഡുകളുടെ ശോചനീയാവസ്ഥയ്ക്ക് പരിഹാരം തേടി ഫയല് ചെയ്ത ഹര്ജി പരിഗണിക്കവെയാണ് ഈ സാധ്യത ജസ്റ്റിസ് ദേവന് രാമചന്ദ്രന് ആരാഞ്ഞിരിക്കുന്നത്. റോഡുകളുടെ ശോചനീയവസ്ഥ യഥാസമയം അറിയാത്തതാണ് പ്രശ്നപരിഹാരത്തിന് വൈകുന്നതിന് കാരണമെന്ന് വിലയിരുത്തിയാണ് എ.ഐ.ക്യാമറ നിരീക്ഷണത്തിന്റെ സാധ്യത ആരാഞ്ഞത്.
എന്നാല് എല്ലായിടത്തും എ.ഐ ക്യാമറ സ്ഥാപിച്ചിട്ടില്ലെന്നും, സ്ഥാപിച്ചിട്ടുള്ളിടത്ത് റോഡിന്റെ സ്ഥിതിയും നിരീക്ഷിക്കാനാകുമോ എന്നത് പരിശോധിക്കാമെന്നും പൊതുമരാമത്ത് വകുപ്പിന്റെ അഭിഭാഷകന് അറിയിച്ചു.
