പോപ്പുലർ ഫ്രണ്ടിന്റെ നിയന്ത്രണത്തിലുള്ളതായി കണ്ടെത്തിയ മഞ്ചേരി ഗ്രീൻവാലി അക്കാദമി എന്ഐഎ കണ്ടുകെട്ടി.10 ഹെക്ടർ വിസ്തൃതിയുള്ള കേന്ദ്രത്തിൽ ആയുധപരിശീലനവും കായിക പരിശീലനവും നടന്നിരുന്നുവെന്ന കേസിലാണ് നടപടി.
സ്ഫോടക വസ്തുക്കളടക്കം പരീക്ഷിച്ചെന്ന് എൻ ഐ എ അന്വേഷണത്തിൽ റിപ്പോർട്ട് നൽകിയിരുന്നു. മഞ്ചേരിയിലെ ഈ പരിശീലന കേന്ദ്രം പിഎഫ്ഐയില് ലയിച്ച നാഷണല് ഡെവലപ്മെന്റ് ഫ്രണ്ട് നേരത്തേ ഉപയോഗിച്ചിരുന്നുവെന്നും എന്ഐഎ കണ്ടെത്തി.
കൊച്ചി എന്ഐഎ യൂണിറ്റില് നിന്നുള്ള സംഘമാണ് ഇന്നലെ അര്ദ്ധരാത്രിയോടെ ഗ്രിന്വാലി അക്കാദമി കണ്ടുകെട്ടിയത്.പോപ്പലര് ഫ്രണ്ട് നിരോധിച്ചതിനു ശേഷം , കേരളത്തിലെ ആറാമത്തെ കായിക പരിശീലന കേന്ദ്രവും, സംഘടനയുടെ പതിനെട്ടാമത്തെ വസ്തുവുമാണ് എന്ഐഎ പിടിച്ചെടുത്തത്.യുഎപി നിയമത്തിലെ വ്യവസ്ഥകള് പ്രകാരമാണ് നടപടി.
