കൊറോണ ബാധിച്ച് തിയറ്ററുകളിൽ നിന്നും ഇറങ്ങിയ സിനിമ തിരിച്ചു വരുന്നു. കൂടുൽ പ്രേക്ഷകരെ ആകർഷിച്ച് കൊണ്ട് തിയറ്ററുകളിലെ തിക്കി തിരക്കൽ വീണ്ടെടുക്കുകയാണ്. ഒ ടി ടി പ്ലാറ്റ് ഫോമുകളിൽ നിന്നും വീടുകൾക്ക് അകത്തെ തിയറ്റർ റൂമുകളിൽ നിന്നും സിനിമ തേടി പ്രേക്ഷകർ തിയറ്ററികളിലേക്ക് തിരിച്ചെത്തി തുടങ്ങി.
കൊവിഡ് അവസാനിച്ച് തിയറ്ററുകള് തുറന്നപ്പോള് പ്രേക്ഷകര് പഴയതുപോലെ എത്തുയിരുന്നില്ല. പതിയെ ദക്ഷിണേന്ത്യൻ ചിത്രങ്ങള് തിയറ്ററുകളെ സജീവമാക്കി എങ്കിലും ബോളിവുഡിന് വിജയം നേടാൻ കഴിഞ്ഞിരുന്നില്ല.
പഠാനിലൂടെ ഷാരൂഖ് തുറന്ന വഴി ഉത്തരേന്ത്യയിലും
ഷാരൂഖ് ഖാന് ചിത്രം പഠാനിലൂടെയാണ് ബോളിവുഡിന് ഒരു തുടക്കം കിട്ടിയത്. ഇന്നലെ അവസാനിച്ച വാരാന്ത്യത്തോടെ രാജ്യത്തെ സിനിമാവ്യവസായം ഇക്കാലമത്രയും കാത്തിരുന്നത് സംഭവിച്ചിരിക്കുകയാണ് എന്ന പ്രഖ്യാപനം വന്നു. ഇന്ത്യന് സിനിമാ മേഖല തിയറ്റര് കളക്ഷനില് ഒരു വന് തിരിച്ചുവരവ് സംഭവിച്ചു.
രജനികാന്ത് നായകനാവുന്ന തമിഴ് ചിത്രം ജയിലര് ആണ് അക്കൂട്ടത്തില് പ്രധാനം. തെലുങ്കില് നിന്ന് ചിരഞ്ജീവി ചിത്രം ഭോലാ ശങ്കറും ബോളിവുഡില് നിന്ന് അക്ഷയ് കുമാര് ചിത്രം ഒഎംജി 2 ഉും സണ്ണി ഡിയോള് ചിത്രം ഗദര് 2 ഉും ഈ വാരാന്ത്യത്തില് പ്രദര്ശനത്തിനെത്തി.
ഈ നാല് ചിത്രങ്ങളും ചേര്ന്ന് ഇന്ത്യന് ബോക്സ് ഓഫീസിന് മൊത്തത്തില് ഉണ്ടാക്കിയിരിക്കുന്ന നേട്ടം ശരിക്കും പ്രതീക്ഷ പകരുന്നതായി. ഇതേക്കുറിച്ച് വിശദീകരിച്ചുകൊണ്ട് ഇന്ത്യയിലെ മള്ട്ടിപെക്സുകളുടെ പ്രധാന കൂട്ടായ്മയായ മള്ട്ടിപ്ലെക്സ് അസോസിയേഷന് ഓഫ് ഇന്ത്യയും നിര്മ്മാതാക്കളുടെ സംഘടനയായ പ്രൊഡ്യൂസേഴ്സ് ഗില്ഡ് ഓഫ് ഇന്ത്യയും വാർത്താ കുറിപ്പ് ഇറക്കി.
കഴിഞ്ഞ 10 വർഷത്തെ കളക്ഷൻ റെക്കോഡുകൾ തകർത്ത് സിനിമാ പ്രേമികൾ
ഇക്കഴിഞ്ഞ ആഴ്ച അവസാനത്തെ മൂന്നു ദിവസങ്ങളിലായി രാജ്യമാകെയുള്ള സിനിമാ തിയറ്ററുകളിലേക്ക് എത്തിയ സിനിമാപ്രേമികളുടെ ആകെ എണ്ണം 2.10 കോടിക്ക് മുകളിലാണെന്ന് വാര്ത്താക്കുറിപ്പില് പറയുന്നു.
ഈ മൂന്ന് ദിവസങ്ങളിലായി ഈ നാല് പ്രധാന ചിത്രങ്ങള് ചേര്ന്ന് നേടിയ കളക്ഷന് 390 കോടിയില് അധികമാണെന്നും. 2.10 കോടി ആളുകള് തിയറ്ററുകളിലെത്തിയ വാരാന്ത്യമെന്നത് കൊവിഡ് കാലത്തിന് ശേഷമെന്നല്ല കഴിഞ്ഞ 10 വര്ഷത്തെ റെക്കോര്ഡ് ആണെന്നും വ്യക്തമാക്കുന്നു. ജയിലര് തിയറ്ററുകളിലെത്തിയ വ്യാഴാഴ്ച ദിവസത്തെ കളക്ഷന് കൂട്ടാതെയാണ് ഈ 390 കോടി
ടിക്കറ്റ് നിരക്കുകൾ കൂടി എങ്കിലും ഇത്രയും ആളുകൾ എത്തി
വാരാന്ത്യത്തില് 390 കോടി എന്നത് ഇന്ത്യന് സിനിമയുടെ 100 വര്ഷത്തിലധികമുള്ള ചരിത്രത്തില് ആദ്യമായാണ്! ചിത്രങ്ങളുടെ മുന്നണിയിലും പിന്നണിയിലും പ്രവര്ത്തിച്ച മുഴുവന് പേര്ക്കും നന്ദി അറിയിച്ചുകൊണ്ടുള്ളതാണ്, ഇന്ത്യന് സിനിമ ട്രാക്കിലേക്ക് തിരിച്ചെത്തിയെന്ന് ആത്മവിശ്വാസത്തോടെ ഈ സംഘടനകള് അറിയിക്കുന്നത്.
