നിപ വൈറസ് വ്യാപനം തടയാനുള്ള ശ്രമത്തിൽ പൊതുജനങ്ങളുടെ ജാഗ്രത ക്ഷണിച്ച് കോഴിക്കോട് ജില്ലാ ഭരണകൂടം. കണ്ടെയ്ന്മെന്റ് സോണുകളില് ആരാധനാലയങ്ങളില് ഉള്പ്പെടെ ഒരു തരത്തിലുള്ള കൂടിച്ചേരലുകള്ക്കും പൊതുപരിപാടികള്ക്കും അനുമതിയില്ല. സര്ക്കാര് ഓഫീസ് ജീവനക്കാര്ക്ക് വര്ക്ക് ഫ്രം ഹോം സംവിധാനമൊരുക്കാനും നിര്ദേശമുണ്ട്.
ജില്ലയില് കഴിയാവുന്ന പൊതുപരിപാടികളും ചടങ്ങുകളും മാറ്റിവയ്ക്കണം. ആശുപത്രികളില് സന്ദര്ശകരെ അനുവദിക്കുന്നതല്ല. രോഗിക്കൊപ്പം കൂട്ടിരിപ്പിന് ഒരാള്ക്കുമാത്രമാണ് അനുമതിയുള്ളത്. ആരാധനാലയങ്ങളില് പോകുന്നവരും ചടങ്ങുകളില് പങ്കെടുക്കുന്നവരും സ്വയം നിയന്ത്രണം ഏര്പ്പെടുത്തണം. കണ്ടെയ്ന്മെന്റ് സോണുകളിലേക്കുള്ള യാത്രകളും കര്ശനമായി നിരോധിച്ചു.
കള്ള് ചെത്തുന്നതിനും വില്ക്കുന്നതിനും അനുമതിയില്ല
– മൃഗസംരക്ഷണ വകുപ്പ് നിരീക്ഷണവും ബോധവത്കരണവും ശക്തമാക്കണം. പന്നിഫാമുകള്, വവ്വാല് സാന്നിധ്യമുള്ള സ്ഥലങ്ങള് എന്നിവ കര്ശന പരിശോധനകള്ക്ക് വിധേയമാക്കണം.
– വവ്വാലുകളുടെ സാന്നിധ്യമുള്ള സ്ഥലങ്ങളില് പൊതുജനങ്ങള് പ്രവേശിക്കുകയോ വളര്ത്തുമൃഗങ്ങളെ മേയാന് വിടുകയോ ചെയ്യരുത്.
– വവ്വാല്, പന്നി ഉള്പ്പെടെയുള്ള വന്യജീവികളുടെ ജഡം സ്പര്ശിക്കരുത്.
ജില്ലയിൽ പൊതുവായി ശ്രദ്ധിക്കേണ്ടത്
– യോഗങ്ങള് ഓണ്ലൈനായി നടത്തുക.
– ഒഴിവാക്കാനാവാത്ത പരിപാടികള് ജില്ലാ ഭരണകൂടത്തിന്റെ അനുമതി വാങ്ങിയ ശേഷം വ്യവസ്ഥകള്ക്കും നിയന്ത്രണങ്ങള്ക്കും വിധേയമായി മാത്രം നടത്തുക.
– അനാവശ്യയാത്രകള് ഒഴിവാക്കുക. പാര്ക്കുകള്, ബിച്ചുകള്, ഷോപ്പിങ് മാളുകള് എന്നിവിടങ്ങളിലെ സന്ദര്ശനം പരമാവധി ഒഴിവാക്കുക.
– മാസ്ക്, സാനിറ്റൈസര് എന്നിവ കര്ശനമായും ഉപയോഗിക്കുക.
