42 പേരുടെ സാമ്പിൾ നെഗറ്റീവ്, ഒൻപതു വയുസ്സുകാരൻ്റെ ആരോഗ്യ നിലയിൽ പുരോഗതി

ഹൈ റിസ്കിൽ ഉൾപ്പെട്ട 42 പേരുടെ സാമ്പിളുകളുടെ ഫലം നെഗറ്റീവ്. കേസുകളൊന്നും തന്നെ റിപ്പോർട്ട് ചെയ്തിട്ടില്ല. വെന്റിലേറ്ററിൽ ചികിത്സയിലുള്ള ഒൻപതുകാരനടക്കം നാലുപേരുടേയും ആരോഗ്യനിലയിൽ പുരോഗതിയുണ്ടെന്നും ആരോഗ്യമന്ത്രി വീണാ ജോർജ് മാധ്യമങ്ങളോട് പറഞ്ഞു.

ജാനകിക്കാട്ടിൽ പന്നി ചത്ത സംഭവത്തെക്കുറിച്ച് പരിശോധന നടക്കുന്നുണ്ട്. ഇന്ന് നൂറോളം സാമ്പിളുകൾ ശേഖരിച്ച് പരിശോധിക്കാനാണ് ശ്രമം. ഹൈ റിസ്കിൽ ലക്ഷണങ്ങളുള്ള എല്ലാവരുടേയും സാമ്പിളുകൾ എടുക്കുന്നുണ്ട് – ആരോഗ്യമന്ത്രി പറഞ്ഞു.