കേരളത്തിനനുവദിച്ച രണ്ടാം വന്ദേഭാരത് എക്സ്പ്രസിന്റെ സമയക്രമമായി. രാവിലെ ഏഴുമണിക്ക് കാസര്കോടുനിന്ന് യാത്രയാരംഭിക്കുന്ന ട്രെയിന് വൈകീട്ട് 3.05-ന് തിരുവനന്തപുരത്തെത്തും. വൈകീട്ട് 4.05-നാണ് മടക്കയാത്ര. രാത്രി 11.55-ന് കാസര്കോട് യാത്ര അവസാനിപ്പിക്കും. പുതിയ സര്വീസ് ഞായറാഴ്ച ആരംഭിക്കും. time table ചുവടെ
നേരത്തെ അനുവദിച്ച വന്ദേഭാരത് എക്സ്പ്രസ് കോട്ടയം വഴിയാണ് സര്വീസ് നടത്തുന്നത്. എന്നാല്, പുതുതായി അനുവദിച്ച ട്രെയിന് ആലപ്പുഴ വഴിയാണ് സര്വീസ് നടത്തുക. തിരുവനന്തപുരം സെന്ട്രല് സ്റ്റേഷനില് പ്ലാറ്റ്ഫോം ലഭ്യതക്കുറവുണ്ടെങ്കില് ആദ്യഘട്ടത്തില് കൊച്ചുവേളി വരെയായിരിക്കും സര്വീസ്.
കണ്ണൂര്, കോഴിക്കോട്, ഷൊര്ണൂര്, തൃശ്ശൂര്, എറണാകുളം സൗത്ത്, ആലപ്പുഴ, കൊല്ലം എന്നിവിടങ്ങളിലാണ് സ്റ്റോപ്പ് അനുവദിച്ചിരിക്കുന്നത്. എട്ടു മണിക്കൂറാണ് കാസര്കോട്- തിരുവനന്തപുരം യാത്രയ്ക്ക് എടുക്കുന്ന സമയം. 7.55 മണിക്കൂറാണ് തിരിച്ചുള്ള സര്വീസിന്റെ യാത്രാസമയം. ആഴ്ചയില് ആറുദിവസമായിരിക്കും സര്വീസ്.
കോയമ്പത്തൂർ മംഗലാപുരം റൂട്ടാണ് ആദ്യം പരിഗണിച്ചിരുന്നത്. ഇതിനായുള്ള പരീക്ഷണ ഓട്ടം വരെ വാർത്തയായി. രണ്ട് മുഖ്യ വാണിജ്യ നഗരങ്ങളെ തമ്മിൽ ബന്ധിപ്പിക്കുന്ന പരമാവധി വേഗമുള്ള വണ്ടി എന്ന നിലയ്ക്ക് വലിയ പ്രതീക്ഷയായിരുന്നു ഉയർത്തിയത്. എന്നാൽ ഇത് പ്രായോഗികമായില്ല. തിരുവനന്തപുരത്തിൻ്റെ രാഷ്ട്രീയ പ്രാധാന്യം ഈ റൂട്ടിൻ്റെ മുൻഗണനയെ മറികടന്ന സാഹചര്യമാണ്.
