സ്കൂളുകൾ തിങ്കളാഴ്ച തുറക്കും, ഇനി നിയന്ത്രണം കണ്ടെയിൻമെൻ്റ് സോണുകളിൽ മാത്രം

നിപ കാരണം അടച്ചു പൂട്ടിയ വിദ്യാലയങ്ങൾ സപ്തംബർ 25 തിങ്കളാഴ്ച മുതൽ സാധാരണ പോലെ പ്രവർത്തിക്കും. കണ്ടെയിൻ്റ്മെൻ്റ് സോണിൽ ഒഴികെയുള്ള വിദ്യാലയങ്ങൾക്ക് സാധാരണ പോലെ പ്രവർത്തിക്കാം എന്ന് ജില്ലാ കളക്ടർ അറിയിച്ചു.

വിദ്യാലയങ്ങളിൽ എല്ലായിടത്തും ക്ലാസ് മുറികൾക്ക് പുറത്ത് സാനിറ്റൈസർ ഉണ്ടായിരിക്കണം. ഇതോടൊപ്പം അധ്യാപകരും വിദ്യാർഥികളും മാസ്ക് ഉപയോഗിക്കണമെന്നും കളക്ടർ അറിയിച്ചു. നിപബാധിതമായി അടച്ചിട്ട സ്ഥലങ്ങളിൽ ഓൺലൈൻ ക്ലാസ് തുടരണം.