വടക്കന് ഇറാഖിൽ വിവാഹം പന്തൽ കത്തി 113 പേര് മരിച്ചു. 160ലേറെ പേർക്ക് പരിക്കേറ്റു. ഇറാഖിലെ ഹംദാനിയയിലാണ് സംഭവമെന്ന് ഇറാഖ് ആരോഗ്യവകുപ്പ് ഉദ്യോഗസ്ഥനെ ഉദ്ധരിച്ച് എ.എഫ്.പി. റിപ്പോർട്ട് ചെയ്യുന്നു.
ഹാളിനകത്ത് വെച്ച് പടക്കം പൊട്ടിക്കുന്ന പതിവുണ്ട്. ഇത് വില കുറഞ്ഞ സീലിങ്ങിൽ കുരുങ്ങിയതാവാം തീപ്പിടിത്തത്തിന് കാരണമെന്നാണ് റിപ്പോർട്ടിൽ പറയുന്നത്.
വിലകുറഞ്ഞ സീലിങ്ങ് ഉപയോഗിച്ചതിനാൽ പല ഭാഗങ്ങളിലും സീലിങ് അടർന്ന് വീഴുകയും ഇത് തീപിടിത്തത്തിന്റെ ആഘാതം വർധിപ്പിക്കുകയും ചെയ്തുവെന്ന് പ്രതിരോധവകുപ്പ് പുറത്തിറക്കിയ പ്രസ്താവനയിൽ വ്യക്തമാക്കുന്നു.
