കഞ്ചിക്കോട് മൂന്നുവയസുകാരനെ തട്ടിക്കൊണ്ടുപോകാന് ശ്രമിച്ചയാള് അറസ്റ്റില്. തമിഴ്നാട് സ്വദേശി സെന്തില് കുമാറാണ് പോലീസ് പിടിയിലായത്.
വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ തട്ടിക്കൊണ്ടുപോവുകയായിരുന്നു. റെയില്വേ സ്റ്റേഷനില് വെച്ച് നാട്ടുകാരാണ് ഇയാളെ പിടികൂടി പോലീസില് ഏല്പ്പിച്ചത്. ഉത്തര്പ്രദേശ് സ്വദേശികളുടെ മകനെയാണ് തട്ടിക്കൊണ്ടുപോകാന് ശ്രമിച്ചത്.
കഞ്ചിക്കോടുനിന്ന് കുട്ടിയുമായി സെന്തില്കുമാര് ഓട്ടോറിക്ഷയില് കയറുമ്പോള് സംശയം തോന്നിയ ഡ്രൈവര് പോലീസില് അറിയിക്കുകയായിരുന്നു. പോലീസെത്തി ഇയാളെ കസ്റ്റഡിയിലെടുത്തു. തുടര്ന്ന് നടത്തിയ ചോദ്യംചെയ്യലിലാണ് തട്ടിക്കൊണ്ടുപോകല് ശ്രമമാണെന്ന് വ്യക്തമായത്. പിന്നീട് കുട്ടിയെ മാതാപിതാക്കള്ക്ക് കൈമാറി.
ഇതിനിടെ വൈക്കത്ത് സമീപത്തെ വീട്ടില് കേക്ക് നല്കാന് പോയ 13-കാരനെ കാണാതായതായി പരാതി. വൈക്കം കാരയില് ആയുര്വേദ ആശുപത്രിക്ക് സമീപം കാരയില്ചിറ ജാസ്മിന്റെ മകന് അഥിനാ(13)നെയാണ് കാണാതായത്. രാത്രി ഏഴരയോടെ സമീപത്തെ വീട്ടില് കേക്ക് നല്കാന് പോയി മടങ്ങുന്നതിനിടയിലാണ് കാണാതാവുന്നത്. വൈക്കം പോലീസ് അന്വേഷണം ആരംഭിച്ചു.
