വടകര കുഞ്ഞിപ്പള്ളിയില്‍ ദേശീയ പാതാ നിർമ്മാണത്തിനിടെ അടച്ചിട്ട കടമുറിയില്‍ തലയോട്ടി കണ്ടെത്തി. ദേശീയപാതാ നിര്‍മ്മാണത്തിനായി കെട്ടിടംപൊളിച്ചു മാറ്റുന്നതിനിടയിലാണ് സംഭവം. തലയോട്ടി കണ്ട് ഭയന്ന തൊഴിലാളികള്‍ അറിയച്ചതനുസരിച്ച് പൊലീസിന് വിവരം കൈമാറി.
ഷട്ടര്‍ ഇട്ട് അടച്ച നിലയിലുള്ള കടയാണ്. ഇത് ഒരു വര്‍ഷത്തിലേറെയായി പ്രവര്‍ത്തിക്കുന്നില്ല. പേപ്പര്‍, പ്ലാസ്റ്റിക്ക് അവശിഷ്ടങ്ങള്‍ കൂട്ടി ഇട്ടതിന് ഇടയിലാണ് മനുഷ്യന്റെ തലയോട്ടി കിടന്നിരുന്നത്.
ആറ് മാസത്തിലേറെ പഴക്കമുള്ള ശരീരാവശിഷ്ടമാണെന്ന് കരുതുന്നു. ചോമ്പാല പോലീസ് സ്ഥലത്ത് എത്തി പരിശോധന നടത്തി. റൂറല്‍ എസ്.പി എത്തിയശേഷം അന്വേഷണ നടപടികൾ ആരംഭിക്കും.
