കുറ്റിക്കോൽ അറത്തൂട്ടിപ്പാറ കളക്കരയിൽ നിയന്ത്രണം വിട്ട കുഴൽക്കിണർ നിർമാണ ലോറി മീൻ വണ്ടിയിലിടിച്ച് ഡ്രൈവർ മരിച്ചു
മീൻ വിൽപ്പന നടത്തുന്ന പിക് അപ്പ് വാനിൽ അമിത വേഗത്തിൽ എത്തിയ ലോറി ഇടിക്കുകയായിരുന്നു.
മിനി പിക്കപ്പ് വാൻ ഓടിച്ച കൊട്ടോടി സ്വദേശി ജിജോ ജോസഫ് (30) ആണ് മരിച്ചത്. വെള്ളിയാഴ്ച രാവിലെ കുറ്റിക്കോലിൽ നിന്നും അറത്തൂട്ടിപ്പാറ വഴി ചുള്ളിക്കര ഭാഗത്തേക്ക് പോവുന്ന ലോറി കളക്കരയിൽ ഇറക്കത്തിൽ നിയന്ത്രണം വിട്ട് കുറ്റിക്കോൽ ഭാഗത്തേക്ക് പോകുന്ന മിനി പിക്കപ്പ് വാനിൽ ഇടിച്ചാണ് അപകടം.
ലോറിയും മിനി പിക്കപ്പ് വാനും റോഡരികിൽ താഴ്ച്ചയിലേക്ക് മറിഞ്ഞു. പിക്കപ്പ് വണ്ടിയിൽ കുടുങ്ങി കിടന്ന ജോബിനെ രക്ഷപ്പെടുത്താൻ കുറ്റിക്കോൽ അഗ്നി രക്ഷാസേന ശ്രമം നടത്തിയെങ്കിലും പുറത്തെടുക്കുമ്പോഴേക്കും മരണപ്പെട്ടിരുന്നു.
ലോറിയിലുണ്ടായിരുന്ന തമിഴ്നാട് സ്വദേശികളായ മണി, കേശവൻ, അണ്ണാമല, കറുപ്പയ്യ എന്നീ നാല് പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.
കൊട്ടോടി പനച്ചിക്കുന്നേൽ ജോസഫിന്റെയും മേരിയുടെയും മകനാണ് മരിച്ച ജിജോ ജോസഫ്. സഹോദരങ്ങൾ: ജോബി, ജസ്റ്റിൻ
