ഗര്‍ഭാവസ്ഥയില്‍ത്തന്നെ ശിശുക്കള്‍ക്ക് സംസ്‌കാരവും മൂല്യങ്ങളും അഭ്യസിപ്പിക്കാന്‍ ആര്‍.എസ്.എസ് വനിതാ ഘടകം സംവര്‍ധിനി ന്യാസ് ഗര്‍ഭിണികള്‍ക്കായി ‘ഗര്‍ഭ സംസ്‌കാര്‍’ പരിശീലനപരിപാടി തുടങ്ങി. സംവര്‍ധിനി ന്യാസിൻ്റെ ദേശീയ സംഘാടക സെക്രട്ടറി മാധുരി മറാത്തെയാണ് തിങ്കളാഴ്ച ഇക്കാര്യം അറിയിച്ചത്.

പരിപാടിയുടെ ഭാഗമായി ഞായറാഴ്ച ജവഹര്‍ലാല്‍ നെഹ്‌റു സര്‍വകലാശാലയില്‍ സംവര്‍ധിനി ന്യാസ് വര്‍ക്ക്‌ഷോപ്പ് സംഘടിപ്പിച്ചു. വര്‍ക്ക്‌ഷോപ്പില്‍ ഡല്‍ഹി ഓള്‍ഇന്ത്യ ഇന്‍സ്റ്റിട്യൂട്ട് ഓഫ് മെഡിക്കല്‍ സയന്‍സസി(AIIMS)ലെ ഗൈനക്കോളജിസ്റ്റുകളെ ഉള്‍പ്പെടെ പങ്കെടുപ്പിച്ചു. രാജ്യസ്നേഹവും മാതൃസ്നേഹവും ഇതുവഴി വളർത്തി എടുക്കാൻ നിർദ്ദേശിച്ചു.

ജെഎൻയു വൈസ് ചാൻസലർ ശാന്തിശ്രീ ദുലുപുഡി പണ്ഡിറ്റിനെ ചടങ്ങിലേക്കായി ക്ഷണിച്ചു എങ്കിലും ആരോഗ്യ കാരണം പറഞ്ഞ് ഇദ്ദേഹം പങ്കെടുത്തില്ല.

ഗൈനക്കോളജിസ്റ്റുകള്‍, ആയുര്‍വേദ ഡോക്ടര്‍മാര്‍, യോഗ ട്രെയിനര്‍മാര്‍ എന്നിവര്‍ ഉള്‍പ്പെടുന്ന സംഘം രൂപവത്കരിച്ചാണ് ഗര്‍ഭ സംസ്‌കാര്‍ നടപ്പിലാക്കുന്നത്. ഗീതാ പാരായണം, രാമായണപാരായണം എന്നിവയ്‌ക്കൊപ്പം യോഗപരിശീലനവും ഉള്‍പ്പെടുന്നതാണ് ഗര്‍ഭ സംസ്‌കാര്‍.

ഗര്‍ഭാവസ്ഥ മുതല്‍ ആരംഭിക്കുന്ന പരിശീലനപരിപാടി കുട്ടികള്‍ക്ക് രണ്ട് വയസ് പ്രായമാകുന്നതുവരെ തുടരും. ഗീതാശ്ലോകങ്ങള്‍, രാമായണത്തിലെ കാവ്യങ്ങള്‍ എന്നിവയുടെ പരായണത്തിന് പ്രാധാന്യം നല്‍കിയായിരിക്കും പരിശീലനമെന്നും ഗര്‍ഭസ്ഥശിശുവിന് 500 വാക്കുകള്‍ വരെ ഹൃദിസ്ഥമാക്കാന്‍ സാധിക്കുമെന്നും മാധുരി മറാത്തെ പറഞ്ഞു. ശിവജിയുടെ അമ്മയെയാണ് ഇതിന് മാതൃകയാക്കുന്നത്.

കുറഞ്ഞത് ആയിരം വനിതകളിലേക്കെങ്കിലും ഈ പരിശീലനപരിപാടി എത്തിക്കാനാണ് സംവര്‍ധിനി ന്യാസ് നിർദ്ദേശം.

കടുത്ത പ്രതിഷേധവും അമർഷവുമായി കടന്നാക്രമിച്ച് മഹാരാഷ്ട്ര മുന്‍ മുഖ്യമന്ത്രി ഉദ്ധവ് താക്കറെ. മഹരാഷ്ട്രയിലെ ഖേദില്‍ നടന്ന പൊതു പരിപാടിയില്‍ സംസാരിക്കെ ബിജെപിയേയും അമിത് ഷായേയും മുൻനിർത്തി കടുത്ത വിമർശനം ചൊരിഞ്ഞി. ‘മുഖ്യമന്ത്രിയാകാന്‍ താന്‍ കോണ്‍ഗ്രസിന്റെയും എന്‍.സി.പിയുടേയും ചെരുപ്പു നക്കിയെന്നാണ് അമിത് ഷാ പറഞ്ഞത്. ഇപ്പോള്‍ ബി.ജെ.പി മേഘാലയില്‍ ചെയ്യുന്നതെന്താണ് ? അധികാരത്തിനു വേണ്ടി കോണ്‍റാഡ് സാങ്മയുടേയും അദ്ദേഹത്തിന്റെ പാര്‍ട്ടിയുടേയും ചെരുപ്പു നക്കുകയല്ലേ ?’ അദ്ദേഹം ചോദിച്ചു. ഗോമൂത്രം തളിച്ചാണോ രാജ്യം സ്വാതന്ത്ര്യം നേടിയത് ? സ്വാതന്ത്ര്യ സമര സേനാനികള്‍ ജീവന്‍ ത്യജിച്ചതിന്റെ ഫലമായാണ് സ്വാതന്ത്ര്യം നേടാന്‍ കഴിഞ്ഞത്.

പാര്‍ട്ടിയുടെ പേരും ചിഹ്നവും ഏക്നാഥ് ഷിന്‍ഡെയ്ക്ക് നല്‍കാന്‍ ഇലക്ഷന്‍ കമ്മീഷനു സാധിച്ചെങ്കിലും ശിവസേനയെ തന്നില്‍നിന്ന് ഒരിക്കലും തട്ടിയെടുക്കാന്‍ കഴിയില്ല. തിരഞ്ഞെടുപ്പ് കമ്മീഷന്‍ അധികാരത്തിലുള്ളവരുടെ അടിമയാണ്. തന്റെ പാര്‍ട്ടിയുടെ പേരും ചിഹ്നവും തട്ടിയെടുക്കാന്‍ ബി.ജെ.പിയെ സഹായിച്ചെന്നും ഉദ്ധവ് താക്കറെ ആരോപിച്ചു.

പട്ടേലിനേയും സുഭാഷ് ചന്ദ്രബോസിനേയും തട്ടിയെടുത്ത ബി.ജെ.പി ഇപ്പോള്‍ തന്റെ പിതാവും ശിവസേന സ്ഥാപകനുമായ ബാലസഹാബ് താക്കറെയെ തട്ടിയെടുക്കുകയാണെന്നും താക്കറെ പറഞ്ഞു. ശിവസേനയുടെ പേരിലും ബാലസഹാബ് താക്കറെയുടെ ഫോട്ടോ വെച്ചുമല്ലാതെ മോദിയുടെ പേരില്‍ വോട്ടു ചോദിക്കാന്‍ ബി.ജെ.പിയ്ക്കു ധൈര്യമുണ്ടോയെന്നും താക്കറെ ചോദിച്ചു.

ബിഹാര്‍ മുന്‍മുഖ്യമന്ത്രി റാബ്രി ദേവിയുടെ വീട്ടില്‍ സി.ബി.ഐ റെയിഡ്. കേന്ദ്ര ഏജൻസികളെ രാഷ്ട്രീയ പകപോക്കലിന് ദുരുപയോഗം ചെയ്യുന്നതിന് എതിരെ പ്രതിപക്ഷ പാർട്ടികൾ പ്രധാനമന്ത്രിക്ക് കത്തെഴുതിയതിന് തൊട്ടു പിന്നാലെയാണ് അപ്രതീക്ഷി പരിശോധന. 2004 – 2009 കാലയളവിലെ, റെയില്‍വെയില്‍ ജോലി വാഗ്ദാനം ചെയ്ത് കുറഞ്ഞ വിലയ്ക്ക് ഭൂമി സ്വന്തമാക്കിയെന്ന കേസിലാണ് ഇത്. ലാലു പ്രസാദ് യാദവിന്റെ ഭാര്യയും ആര്‍.ജെ.ഡി നേതാവുമായ റാബ്രി ദേവിയെ സി.ബി.ഐ ചോദ്യം ചെയ്യുകയാണ് ചെയ്യുന്നത്. റെയിഡ് അല്ലെന്നാണ് വിശദീകരണം.

സി.ബി.ഐയേയും ഇ.ഡിയേയും കേന്ദ്രം പ്രതിപക്ഷ സര്‍ക്കാരുകള്‍ക്കെതിരായ ആയുധമായി ഉപയോഗിക്കുന്നു എന്നാരോപിച്ച് ആര്‍.ജെ.ഡി, ബി.ആര്‍.എസ്, തൃണമൂല്‍ കോണ്‍ഗ്രസ്, ആം ആദ്മി പാര്‍ട്ടി, എന്‍.സി.പി., ശിവസേന(ഉദ്ദവ് വിഭാഗം), സമാജ് വാദി പാര്‍ട്ടി എന്നിവയുടെ നേതാക്കള്‍ പ്രധാനമന്ത്രിയ്ക്ക് സംയുക്തമായി കത്തയച്ചിരുന്നു. ലാലു പ്രസാദ് യാദവ് ഉള്‍പ്പടെയുള്ളവരെ ഉന്നം വെച്ചുള്ള നീക്കമാണ് കേന്ദ്രത്തിന്റെ ഭാഗത്തു നിന്നും നിരന്തരം ഉണ്ടാകുന്നതെന്നും കത്തില്‍ ആരോപിച്ചിരുന്നു. ബിഹാര്‍ ഉപമുഖ്യമന്ത്രിയും ലാലുപ്രസാദ് യാദവിന്റെ മകനുമായ തേജസ്വി യാദവും കത്തില്‍ ഒപ്പിട്ടിരുന്നു. തൊട്ടടുത്ത ദിവസമാണ് റാബ്രി ദേവിയുടെ വീട്ടില്‍ സി.ബി.ഐ സംഘം എത്തിയത്. എന്നാല്‍ റെയ്ഡോ സെര്‍ച്ചോ അല്ലെന്നും റാബ്രി ദേവിയെ ചോദ്യം ചെയ്യുക മാത്രമാണ് ചെയ്യുക എന്നുമാണ് സി.ബി.ഐയുടെ വിശദീകരണം.

കഴിഞ്ഞ വര്‍ഷം ജൂലൈയില്‍ ലാലു പ്രസാദ് യാദവിന്റെ അസിസ്റ്റന്റ് ഭോല യാദവിനെ സി.ബി.ഐ അറസ്റ്റു ചെയ്തിരുന്നു.

ഇന്ത്യന്‍ റെയില്‍വേയില്‍ ജോലി വാഗ്ദാനം ചെയ്ത് പകരമായി കുറഞ്ഞ വിലയ്ക്ക് ഭൂമി തട്ടിയെടുത്തതിന് ബിഹാര്‍ മുന്‍മുഖ്യമന്ത്രിമാരായ ലാലു പ്രസാദ് യാദവ്, റാബ്രി ദേവി, മക്കളായ മിസ ഭാരതി, ഹേമ എന്നിവരുള്‍പ്പടെ പതിമൂന്ന് പേര്‍ക്കെതിരെയാണ് കേസ്. 2004-2009 കാലയളവില്‍ ലാലു പ്രസാദ് യാദവ് റെയില്‍വേ മന്ത്രിയായിരുന്നപ്പോഴാണ് കേസിനാസ്പദമായ സംഭവമെന്നാണ് ആരോപണം.

രാജ്യത്ത് 2000 രൂപ നോട്ടുകൾ നിലവിൽ അച്ചടിക്കുന്നില്ലെന്ന് റിസർവ് ബാങ്ക് ഓഫ് ഇന്ത്യ. 2018 – 19 സാമ്പത്തികവർഷം 2000 രൂപ നോട്ടുകളുടെ അച്ചടി നിർത്തിയതായും റിസർബാങ്ക് ബാങ്ക് നൽകിയ വിവരാവകാശ രേഖകയിൽ വിശദീകരിക്കുന്നു.

37 ലക്ഷത്തിലധികം 2000 രൂപ നോട്ടുകൾ രാജ്യത്ത് ഇതുവരെ അച്ചടിച്ചിട്ടുണ്ടെന്നും റിസർബാങ്ക് വ്യക്തമാക്കുന്നു.

100 200 500, 2000 രൂപ നോട്ടുകൾ അച്ചടിക്കാൻ ബാങ്കിന് വേണ്ടിവരുന്ന തുക വളരെ തുച്ഛമാണെന്നും റിസർവ് ബാങ്കിൽ നിന്നും ലഭിച്ച രേഖകളിൽ സൂചിപ്പിക്കുന്നു.

2021 22 കാലയളവിൽ ആയിരം നൂറു രൂപ നോട്ട് അച്ചടിക്കാൻ ചിലവഴിക്കേണ്ടി വന്നത് 1770 രൂപ മാത്രമാണ്. യഥാക്രമം 1000 – 200 രൂപ നോട്ടുകൾ അച്ചടിക്കാൻ 2370 രൂപയും 1000 , 500 രൂപ നോട്ടുകൾ അച്ചടിക്കാൻ 2290 രൂപയും, 2000 രൂപ നോട്ടുകൾ അച്ചടിക്കാൻ 3530 രൂപയും വേണ്ടിവന്നുവെന്നും റിസർവ്ബാങ്ക് നൽകിയ മറുപടിയിൽ പറയുന്നു.

സ്വർണ്ണാഭരണങ്ങൾക്ക് പുതിയ ഹാൾമാർക്കിങ് തിരിച്ചറിയൽ നമ്പർ (എച്ച്.യു.ഐ.ഡി.) നിർബന്ധമാക്കുന്നു. ഏപ്രിൽ ഒന്നുമുതൽ തന്നെ പുതിയ നിബന്ധന നിലവിൽ വരും. രണ്ട് ഗ്രാമിൽ താഴെയുള്ള ആഭരണങ്ങൾക്ക് ഹാൾമാർക്കിങ് ബാധകമല്ല. പഴയ ഹാൾമാർക്കിങ് ആഭരണങ്ങളിലും മാർച്ച് 31നകം 6 അക്ക എച്ച്.യു.ഐ.ഡി പതിപ്പിക്കണമെന്നാണ് പുതിയ ചട്ടം. എന്നാൽ ഉപഭോക്താക്കൾക്ക് പഴയ സ്വർണം വിൽക്കുന്നതിനോ കൈയിൽവെക്കുന്നതിനോ തടസ്സമില്ല.

ആറ് അക്കമുള്ള ആൽഫാ ന്യൂമെറിക് കോഡാണ് എച്ച്യുഐഡി നമ്പർ. ഹാൾമാർക്കിംഗിന്റെ സമയത്ത് തന്നെ ഇത് സ്വർണാഭരണങ്ങളിൽ പതിച്ചിരിക്കും. ബിഐഎസ് കെയർ ആപ്പിലൂടെ സ്വർണ വാങ്ങുന്ന ഉഭപോക്താവിന് തന്നെ എച്ച് യുഐഡി കോഡ് യഥാർത്ഥമാണോ എന്ന് വേരിഫൈ ചെയ്യാം. ഒരു ജ്വല്ലറി ഉടമ വ്യാജ ഹോൾമാർക്കിംഗ് നടത്തിയാൽ പരാതിപ്പെടാനും സാധിക്കും.

ഇനി മുതൽ വിപണിയിൽ ലഭ്യമാകുന്ന സ്വർണാഭരണങ്ങളുടെ ഹോൾമാർക്കിൽ മൂന്ന് ഘടകങ്ങളുണ്ടാകും. ഒന്ന് ബിഐഎസ് ലോഗോ, രണ്ട് ഫിറ്റ്‌നസ് ഗ്രേഡ് മൂന്ന് ആറക്ക എച്ച്‌യുഐഡി കോഡ്.